Ҷанги Ғазза ва афзоиши рӯй овардани ба Ислом ин бор дар Испания
Ба гузориши манобеи хабарӣ, ба гуфтаи як раҳбари мусулмони маҳаллӣ дар Испания, ҳамалоти режими Исроил алайҳи миллати мазлуми Фаластин ба вижа дар ҷанги Ғазза кунҷковии мардумро ба Ислом ва иллати ин ҷанг барангехтааст.
Умар Дел Позо, раиси анҷумани ҷомеаи исломӣ дар Испания ва бунёди масҷиди Гранада гуфт: масъалаи Фаластин саволотеро дар зиҳнҳои мардум эҷод кард.
Ӯ идома дод: шояд аврупоиҳо барои аввалин бор шурӯъ ба дидани ҳақиқат карданд; Ҳар ҳафта масҷиде дар минтақаи ҷануби Андалус шоҳид як ё ду тозамусулмон ва гароиш ба Исломи ҷавонон аст.
Умар Дел Позо ҳамчунин хотирнишон кард, ки масъалаи Фаластин боиси ҳамдардӣ бо мусулмонон дар миёни касоне шуда, ки қаблан чизҳое дар мавриди Ислом медонистанд. Онҳо ҳамалот ва дурӯғҳои Исроилро мебинанд дар натиҷа, шурӯъ ба пурсидани саволоти бештаре дар зеҳни худ ва афроди атрофи худ мекунанд.
Умар Дел Позо афзуд, ки иродаи Фаластиниҳо барои бозгашт ба хонаҳои худ ва муборизаи онҳо, ба ин пурсишҳо ҷанбаи маънавӣ медиҳад; Мардум исломро аз ин тариқ кашф мекунанд ва афзуд, ки теъдоди тазоҳурот дар ҳимоят аз Фаластин дар Гранада зиёд будааст.
Ӯ гуфт: мо ба ҳамсоягони масеҳии худ низ тавзеҳ медиҳем, ки дар Фаластин чӣ мегузарад. Онҳо дар тазоҳурот савол мепурсанд ва саъй мекунанд бештар дар бораи Ислом биёмӯзанд. Метавонам бигӯям, ки Ислом бештар мавриди таваҷҷуҳ қарор гирифтааст. Ин фақат маҳдуд ба Гранада нест, тамоми мардуми Аврупо садои худро дар мавриди ин мавзӯъ баланд кардаанд.
Нахуел Калдерон, яке аз тозамусулмонони Испания низ мегӯяд ӯ аз номзадаш бештар дар бораи Ислом омӯхт ва ахиран мусулмон шудааст. Вай афзуд: «метавонам бигӯям, ки оромиши дарунии бештаре пайдо кардам ва акнун зиндагии беҳтаре дорам.»
Нахуел Калдерон, ҷомеаи муташаккил аз 37000 мусулмон дорад, ки 4000 испанияӣ, ки ба Ислом гаравидаанд ва фарзандони насли севуми онҳо низ аз ҷумлаи онҳо ҳастанд.
Испания тақрибан 3 миллион мусулмон дорад, ки бештари онҳо асолатан аз кишварҳои Марокаш, Покистон, Бангладеш, Сенегал ва Алҷазоир ҳастанд. Онҳо бештар дар Каталония, Валенсия, Андалус ва Мадрид зиндагӣ мекунанд.
