IQNA

ايران كی قرآنی خبر رساں ايجنسی ايكنا كی رپورٹ كے مطابق حوزہ علمیہ نيوز سنٹر سے گفتگو كرتے ہوۓ قائد ملت جعفریہ پاكستان علامہ سيد ساجد علی نقوی نے كہا كہ پاكستان میں اب كفر كے فتووں كی كوئی جگہ نہیں ہے اور فرقہ واريت پر مشتمل وال چاكنگ اور اشتہار بازی وغيرہ كا زمانہ گذر چكا ہے انہوں نے دشمنوں كی سازشوں كو ناكام كرنے كی ضرورت پر زور ديتے ہوۓ كہا كہ اب ہم كسی استعماری طاقت كو فرقہ واريت كے لیے پاكستان كی سر زمين استعمال كرنے كی اجازت نہیں دیں گے انہوں نے قائد انقلاب اسلامی كی طرف اسلامی وحدت و يكجہتی كی كوششوں كو سراہتے ہوۓ كہا كہ اسلامی انقلاب نے ہميشہ دنياۓ اسلام كے اتحاد كی بات كی ہے اور اس كے لیے بہت قربانياں بھی دی ہیں علامہ ساجد نقوی نے كہا كہ امام خمينی كی پوری كوشش تھی كہ دنياۓ اسلام اتحاد و وحدت كا نمونہ بن جاۓ حتی كہ ان سے ميری آخری ملاقات میں انہوں نے وحدت مسلمين كے لیے كام كرنے كی نصيحت فرمائی تھی ۔ انہوں نے مزيد كہا كہ آج روحانيت كی ذمہ داری ہے كہ وہ لوگوں كی معلومات كو وسعت دے تاكہ وہ معمولی مسائل پر ايك دوسرے سے نہ الجھیں ۔
انہوں نے كہا كہ اگر كسی دن پاكستانی شيعہ ، حكومت میں آۓ تو وہ تمام مذاھب سے مل كر وحدت كو عملی جامہ پہنائیں گے ۔
183343