IQNA

İraq xalqı ölkənin müxtəlif şəhərlərindən Kərbəla səmtində ƏRBƏİN ziyarəti hədəfi ilə piyada yürüşə başlayıblar.

İmam Hüseynin (ə) ƏRBƏİN ziyarətinə 13 gün qalsa da ötən həftədən başlayaraq İraq xalqı ölkənin hər yerindən müxtəlif istiqamətlərdən Kərbəlaya tərəf yoldadırlar.

Nəcəf - Heydəriyyə - Kərbəla, Hillə - Tüvəyric - Kərbəla, Bağdad - Müsəyyib - Kərbəla, "Eynut-Təmr" - Kərbəla və Kufə - Tüvəyric - Kərbəla piyada yolları ilə Kərbəlaya gələn zəvvarlar İmam Hüseyni (ə) ziyarət edib geri qayıdırlar.

İraqlıların yürüşü ƏRBƏİN gününə qədər, yəni Səfər ayının 20-dək bu şəkildə davam edəcək.

Zəvvarları yollarda İmam Hüseyn (ə) aşiqləri öz evlərində və ya mukiblərdə qarşılayır və onlara xidmət edirlər. iqna / 3997401