Nobel Sülh mükafatçısı Hindistanda hicablı qadınlara dəstək verib
"İQNA", "Free Press Journal"-a istinadən xəbər verir ki, 2014-cü ildə Nobel Sülh mükafatı alan və qadın hüquqları müdafiəçisi Məlalə Yusufzay, Hindistan liderlərini Karnataka əyalətində müsəlman qadınların hicab geyinmələrinə görə kənarlaşdırılmalarına son qoymağa çağırıb.
Hicab məsələsi yanvar ayında Karnataka əyalıtinin Odenopi şəhərindəki PU Dövlət Kollecində başlayıb. Orada hicablı altı tələbədən kolleci tərk etmələri istənilib.
İndi bu məsələ əyalətin müxtəlif bölgələrinə yayılıb. Hindu gəncləri ifrat sağçıların dəstəyi ilə hicaba etiraz edirlər.
Baş verənlərə reaksiya verən Məlalə Tvitter hesabında bunları yazıb: "Hicablı qızların məktəbə gəlməsinin qarşısını almaq dəhşətdir. Hindistan liderləri müsəlman qadınları kənarlaşdırmaqdan əl çəkməlidirlər."
4035106
