Mahukunta ‘Yan kama Karya Na Kara Rura Wutar Tsaurin Ra’ayin Addini

Bnagaren kasa da kasa, babban limamin juma’a a yankin Katif ya bayyana cewa babban abin mamaki ne yadda mutane da suke kan mulki na kama karya kuma suke maganar musulunci har suna kara rura wutar tsatsauran ra’ayin addini domin fitar da wasu daga cikin da’irar musulunci.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na rasid cewa, Sheikh Hassan Saffar babban limamin juma’a a yankin Katif ya bayyana cewa babban abin mamaki ne yadda mutane da suke kan mulki na kama karya kuma suke maganar musulunci har suna kara rura wutar tsatsauran ra’ayin addini domin fitar da wasu daga cikin da’irar musulunci domin kawai a kawo fitina a cikin al’ummar musulmi, su kuma su ci gab ada zama kan mulki tare da samun kariya daga uwayen gidansu daga Amurka.
Da dama daga cikin malaman mabiya mazhabar iyalan gidan manzon Allah tsira da amincin Allah su tabbata a gare shi da iyalan gidansa tsarkaka akasar Saudiyya sun kakkausar suka kan mahukuntan kasar dangane da kisan kiyashin da suke yi wa masu zanga-zangar neman hakkokinsu da aka haramta musu a kasar ta Saudiyya.
Haka nan kuma an ya nakalto daga shafin sadrawa an yanar gizo na Nun cewa, Fathi shazili tsohon jakadan kasar Masar a Saudiyya ya bayyana cewa cin zarafin mabiya tafarkin mazhabar shi’a da ake yi a kasar Saudiyya ya wuce haddi, kuma kasashen duniya suna kallo sun yi gum da bakunansu, domin kuwa gwamnatin Amurka tana goyon bayan Saudiyya kan ta’asar da take tafkawa.
Mabiya mazhabar iyalan gidan manzon Allah tsira da amincin Allah su tabbata a gare shi da iyalan gidansa tsarkaka akasar Saudiyya sun kakkausar suka kan mahukuntan kasar dangane da kisan kiyashin da suke yi wa masu zanga-zangar neman hakkokinsu da aka haramta musu, sakamakon danne su da wahabiyan kasar ke yi.
974762