Daya Daga Cikin Wadanda Aka Kashe Harin Kasar Faransa Musulmi Ne
Kamfanin dillancin labaran iqna ya habarat cewa, ya nakalto daga shafin sadarwa na yanar gizo na Telegraph cewa Ahmad Morabit dan sandan da ya rasa a harin da aka kai kan jaridar Charlie Hebdo musulmi ne.
Kamfanin dillancin labarai na kasar Faransa ya habarta cewa, jim kanan bayan harin da wasu 'yan bindiga suka kai wa gidan jaridar Charlie hebdo ta birnin Paris a jiya laraba, Al'umma sun yi cuncurundo a dandalin Republicain domin nuna rashin jin dadinsu da abin da ya faru.
Kimanin karfe sha daya na safiyar laraba ,wasu mutane uku dauke da makamai suka kai farmaki gidan jaridar barkoncin nan ta Charlie hebdo dake birnin Paris inda suka kashe Mutane sha biyu tare da jikkata wasu goma na daban.
Shi dai wannan gidan jarida shi ne ya zana hoton batanci ga fiyayyen halitta Manzon a..tsira da amincin a..su tabbata a gare shi tare da iyalan gidansa tsarkaka,lamarin da ya sanya Jaridar da ma Gwamnatin Faransa suka sha suka daga kasashen musulmi.
‘Yan sandar birnin Paris sun ce sun gano wadanda ake tuhumar da kai wannan hari, inda tuni dai daya daga cikinsu mai shekaru sha takawas a duniya ya meka kansa ga hukumar 'yan sandar, kuma yanzu haka hukumomin 'yan sandar ta ce ta na farauta sauren mutanan biyu.
Kasashen duniya na ci gaba da yin Allawadai da harin da 'yan bindigar suka kai a gidan mujallar nan ta Charlie Hebdo dake kasar ta Faransa, tare da bayyana irin wadannan ayyuka da cewa na dabbanci ne, yayin da wasu suke yin Allawadai da hakan, sun kuma dora alhakin abin da yake faruwa a kan mahukuntan kasar da kuma jaridar, sakamakon abin da take yin a cin zarafi.
2692007
