An Dakatar Da Watsa Fim Na Annabi Yusuf (AS) A Mauritania

Bangaren kasa da kasa, wata tashar talabijin ta kasar Mauritania ta dakatar da watsa fim na annabi Yusuf (AS) sakamakon sukar da take sha a yanar gizo.

Kamfanin dillancin labaran iqn aya habarta cewa ya nakalto daga shafin sadarwa na yanar gizo na Arabi 21 cewa, tashar talabijin ta Shanqit ta dakatar da watsa fim na annabi Yusuf (AS) sakamakon sukar da take sha a shafukan yanar gizo daga wasu yan kasar kan hakan.

Wannan tasha tana watsa shirin ne tun daga lokacin da aka fara azumin watan Ramadan mai alfarma, ammakuma daga bisani kuma wasu sun shiga sukar wannan shirin na annabi Yusuf (AS) da take watsawa.

Daga cikin wadanda suka shiga sukar wannan shiri da wannan tasha take gudanarwa na saka fim din annabi Yusuf (AS) akwai mutanen gari masu wata mahanta ta dabam da aka dora su a kanta, kamar yadda kuma malamansu na akida su ma sun shiga lamarin suna haramta musu kallon fim din.

Tare da yin kira ga wannan tasha da ta dakatar da wannan shiri, lamarin da yasa ala tilas wannan tasha ta bi abin da wadannan mutane suke bukata saboda tsoron kada ayi mata illa.

3505568