Likita Ya Umarci Wani Tsoho Da Karatun Kur'ani A Matsayin Magani
Bangaren kasa da kasa, wani dattijo dan kasar Masar mai shekaru 60 da haihuwa ya samu umarni daga likita da ya lizimci karatun kur'ani a masayin maganin rashin lafiyarsa.
Kamfanin dillancin labaran iqna ya habarta cewa, ya nakalto daga
shafin sadarwa na yanar gizo na shakiatoday cewa, Haji Abdukkahi Ali Muhammad
Abu giath tsoho dan shekaru 60 da haihuwa ya samu umarni daga likita da ya
lizimci karatun kur'ani a masayin maganin rashin lafiya da yake fama da ita.
Ya ce abbu zatoi babu tsammani ya kamu da wata rashin lafiya mai ban mamaki, wanda kuma abin da yafi ban mamaki a cikin lamarin shi ne, yadda likita ya ce karatun kur'ani ne kawai maganain rashin lafiyar.
Haji Abdullah ya ci gaba da cewa ya kasance a lokacin baya iya karatu ko rubtu, amma da yake likita ya lizimta masa yin haka, ya zama wajibi a kansa ya nemi yadda zai koyi karatun kur'ani mai tsarki.
A matakin farko dai ya fara saurare ne daga masu karatu, a lokaci guda kuma shi ma yana koyo kuma yana rubutawa, sannu a hankali har ya rubuta kur'ani mai tsarki baki daya.
Ya ci gaba da cewa bai fuskanci wata wahala ba a cikin rubutun kur'ani, kuma zai ci gaba da yi, domin ta hakan ne kur'ani zai zauna a cikin kwalwarsa.
