Sakamakon Jin Ra’ayi Jama’a A Amurka Ya Nuna Cewa Musulmi Ne Aka Tsana A Kasar
Kamfanin dillancin labaran iqna ya habarta cewa, jaridar Yani Shafaq ta bayar da rahoton cewa, wasu manyan cibiyoyin bincike a kasar Amurka sun gudanar da jin ra’ayin jama’a, wanda saamakonsa ya nuna cewa musulmi su ne suka fi fuskantar tsangwama a kasar da kuma nuna musu wariya.
Bayanin ya ci gaba da cewa, cibiyoyin Harrisx da Hill ne suka gudanar da binciken an hadin gwiwa a dukkanin jahohin Amurka.
Kimanin kashi 85 cikin dari na wadanda aka ji ra’ayoyinsu sun nuna cewa musulmi ne suka fi fuskantar matsala da kuma nuna musu wariya saboda addininsu a kasar.
Da dama daga cikin cibiyoyin muuslmi a kasar Amurka sun bayyana cewa, a cikin shekaru biyu da suka gabata, an samu matsaloli na cutar da musulmi fiye da sauran shekarun da suka gabata a kasar.
