Jagora: Dole Mu Zama Masu Karfi Domin Hana Aukuwar Yaki

Jahoran juyin juya halin muslucnia Iran ya bayyana cewa, bisa la’akari da yadda lamari ya koma yanzu dole ne Iran ta yi karfi yadda ya kamata domin a samu zaman lafiya.

Kamfanin dillancin labaran IQNA, Jagoran juyin juya halin musulunci a nan Iran Ayatullahi sayyeed Aliyul Khami’na’ii ya bayyana cewa gwamnatin “Tagud” ko sarki sha, a dai-dai lokacinda juyin juya halin musulunci ya kusan kaiwa ga nasara, an zo mata zo mata ta inda bata zata ba, a lokacinda sojojin sama na kasar suka yi bai'a wa Imam Khomaini (q).

Jagoran ya bayyana haka ne a safiyar yau Asabar a lokacinda yake ganawa da manya-manyan jami’an sojojin sama da kuma komandojinsu a gidansa, a dai-dai lokacinda ake raya ranar 19 ga watan Bahman ranar da sojojin sama na Iran suka yi bai’a ga imam Khomaini (q) a matsayin babban kwamandansu.

Jagoran ya kara da cewa wannan wata rahaman ce ta Allah ga juyin juya halin da kuma su sojojin. Kafin haka dai sojojin sama a lokacin su ne suka fi kusa da sarkin, sannan sune suka fi kusa da Amurkawa wadanda suke tare da sarkin, inji jagoran.

A rana irin ta yau ce a shekara ta 1979 sojojin sama na kasar Iran suka yi bai’a wa Imam Khomaini(q) a matsayin kwamansu a dai-dai saura yan kwanaki juyin juya halin musulunci a kasar ya kai ga nasara. Wannan ranar a nan kasar Iran, tun lokaci it ace ranar “sojojin sama na JMI”.

https://iqna.ir/fa/news/3877246