An ba da tutar hubbaren Imam Ridha (a.s.) ga hubbaren Imam Ali
Kamfanin dillancin labaran iqna ya habarta cewa, a daidai lokacin karatowar lokacin shahadar Imam Ali bin Musa Al-Ridha (AS), wanda kamar yadda aka saba a ranar 17 ga Safar, ana daga tutar haramin Imam Ridha (AS) mai albarka.
Ammar al-Abasi, mamba a kwamitin gudanarwa na na hubbaren Imam Ali (AS) ya karbi tutar hubbaren Radawi mai albarka a lokacin da yake karbar tawagar wannan hubbaren.
Hadin gwiwar wuraren ibada masu tsarki a wajen tarukan Arbaeen
Sahib Albusisi shugaban sashen hulda da jama'a na hubbaren Imam Ali Shrine ya bayyana a yayin taron cewa: Ana yin liyafar ma'aikatanhubbaren na Radavi ne bisa tsarin shirye-shiryen na hadin gwiwa, kuma wannan alaka ta akida ta kasance a daidai lokacin da Harami mai tsarki ya karbi bakuncin miliyoyin masu ziyarar Arbaeen kamar shekarun baya kuma a shirye yake ya yi hidima ga wannan rukunin maziyarta.
Shirye-shiryen Ibada da Kur'ani na hubbaren Alawi a lokacin tarukan Arbaeen na Imam Hussain (AS)
Domin hidimtawa masu ziyarar Arbaeen, hubbaren Imam ya tanadi wurare da dama na liyafar tarba, da na'urorin sarrafa kayayyaki da na bincike, da cibiyoyin kur'ani da wuraren hutawa ga maziyarta a kusa da hanyoyin da suke kaiwa ga haramin na Najaf Ashraf .
