An Nada Babban Muftin Saudiyya

IQNA - An nada Sheikh Saleh Al-Fawzan a matsayin babban Mufti na kasar bisa umarnin Sarki Salman bin Abdulaziz, Sarkin Saudiyya.

Kamfanin dillancin labaran SPA ya habarta cewa, Sarkin Saudiyya Salman bin Abdulaziz Al-Saud ya bayar da sanarwar nada Sheikh Dr. Saleh bin Fawzan bin Abdullah Al-Fawzan a matsayin babban Mufti na kasar Saudiyya, shugaban majalisar manyan malamai kuma shugaban hukumar binciken kimiyya da kuma Ifta a matsayin minista.

A cewar rahoton, an fitar da dokar ne bisa shawarar Yarima mai jiran gadon sarautar Saudiyya Mohammed bin Salman.

Sanarwar ta kuma bayyana cewa, za a sanar da wannan hukunci ga hukumomin da suka dace domin amincewa da aiwatar da su.

Sheikh Saleh bin Fawzan ya gaji tsohon Mufti, Sheikh Abdulaziz bin Abdullah bin Mohammed Al-Sheikh, wanda ya rasu a ranar 23 ga Satumba.

Sheikh Abdulaziz bin Abdullah bin Muhammad Al-Sheikh mai shekaru 81 ya gaji Sheikh Abdulaziz bin Baz a matsayin babban Mufti na masarautar Saudiyya a watan Mayun 1999.

Kamar yadda shafin yanar gizon sabon Mufti na Saudiyya ya bayyana, an haife shi ne a garin Qassim da ke garin Al-Shamasiyah a shekara ta 1354 bayan hijira (1935 miladiyya). Ya yi digiri na biyu da digirin digirgir a tsangayar Shari'a.

4312415