په قزاقستان كښې د اسلامی هيوادونو د ژواك چاپيريال د وزيرانو پنځمه غونډه ترسره كیږی

بين المللی ډله: د اسلامی همكارۍ د سازمان د غړو هيوادونو د ژواك چاپيريال د وزيرانو پنځمه غونډه د روانې غوئی د مياشتې په ٢٨ او ٢٩ نیټه د قزاقستان په پلازمينه آستانه ښار كښې ترسره كيدونكې ده.

د آيسسكو د خبررسونې د سائیټ په نقل د ايران د قرآنی خبری آژانس (ايكنا) د رپورټ له مخې: دغه غونډه به د ژواك چاپيريال د اسلامی تنظيم (IEBE) او د اسلامی علومو، فرهنګ او روزنې د سازمان (آيسسكو) په همت ترسره شی او د اسلامی همكارۍ د سازمان د غړو هيوادونو استازی به د شين او زرغون اقتصاد او د طبيعت او فطرت په حفاظت كښې د هغه د رول په هكله بحث او د نظر تبادله وكړی.
دغه كانفرنس د ژواك چاپيريال د اسلامی اجرائی شورا د دوئمې غونډې په اړه د يو رپورټ په وړاندې كولو سره پيلیږی او په دوام كښې به ئې د آيسسكو سازمان چارواكی د پايدارې پراختيا په زمينه كښې د خپلو فعاليتونو په تشريح كولو لاس پورې كړی.
همداراز د دغې غونډې په دوران كښې به د ژواك چاپيريال د اسلامی اجرائی شوری نوی غړی هم غوره شی او د دې لړۍ د شپږمې غونډې د ترسره كيدو ځائې او وخت به هم اعلان شی. 995446