Маҳкумияти муттаҳами қуръонсӯзӣ дар Русия
Ба гузориши хабаргузории "Русия Ал-Явм", додгоҳи ноҳияи Висатовский Грозный, пойтахти Чичен, Никита Журавелро, ки ба сӯзондани Қуръони Карим дар канори масҷиде дар Волгоград маҳкум шуда буд, ба 3 солу ним зиндони умумӣ маҳкум кард.
Хабаргузории ТАСС ба нақл аз хабарнигори худ аз саҳни додгоҳ, бо баёни инки қозӣ Руслан Дандаев ҳукми додгоҳро содир кард, гуфт: додгоҳ муттаҳамро ба се солу шаш моҳ ҳабс маҳкум кард ва ин муҷозот ҳамон чизе аст, ки додситон дархост кардааст.
Ба гуфтаи кумитаи таҳқиқоти Русия, Юравиль дар моҳи май 2023 дар Волгоград ба далели қуръонсӯзӣ дар муқобили масҷиде дар ин шаҳр дастгир шуд.
Вай дар замони бозҷӯӣ эътироф кард, ки ин корро дар изои дарёфти пул бар асоси дастуруламалҳои вижаи сервисҳои вижаи Украина анҷом додааст. Парванда ба бозпурсони ҷумҳурии Чичен вогузар ва ӯ низ ба онҷо мунтақил шуд.
Юравиль дар ҷараёни таҳқиқот ба ҷурми худ яъне сӯзондани Қуръон эътироф кард, аммо иттиҳоми иртикоби шӯришро напазируфт.
Иқдоми ин шаҳрванди Русия пас аз мавҷи қуръонсӯзӣ дар Шветсия анҷом шуд. Бархилофи Шветсия ва шуморе аз кишварҳои ғарбии дигар аз ҷумла Дания ва Нидерланд, ки ба баҳонаи дифоъ аз озодии баён аз ҳар иқдоме алайҳи ҷилавгир аз қуръонсӯзӣ худдорӣ мекунанд, қуръонсӯзӣ дар Русия ҷурм аст ва ҳар иқдоме дар ин росто муҷозоти қонунӣ дар пай хоҳад дошт. Наздик ба 20 миллион нафар аз ҷамъияти Русияро мусулмонон ташкил медиҳанд.
