Барҷастатарин масъалаи имрӯзи ҷаҳон, шикасти ахлоқӣ ва сиёсӣ ва иҷтимоии тамаддуни ғарбӣ аст
Ба гузориши пойгоҳи иттилоърасонии дафтари ҳифз ва нашри осори оятуллоҳ Хоманаӣ, Раҳбари олии Эрон дар паёме ба панҷоҳу ҳаштмин нишасти Иттиҳодияи Анҷуманҳои исломии донишҷӯён дар Аврупо, бо ишора ба масоили печидаи кунунии ҷаҳон, бар нақшофаринӣ ва асаргузории ин донишҷӯён дар масоили бузург бо такя бар ангезаи имон ва эътимоди ба нафс таъкид карданд.
Матни паёми раҳбари олии ҶИЭ оятуллоҳ Хоманаӣ ба ин шарҳ аст:
Бисмиллоҳир-раҳмонир-раҳим
Донишҷӯёни азиз! Иттиҳодияи решадор ва хушноми шумо ва истимрори фаъолиятҳои он падидаи хуб аст. Ин ҳузури ҷамъӣ метавонад дар андозаи худ дар масоили печидаи кунунии ҷаҳон нақшофарин бошад. Асаргузорӣ дар масоили бузург, беш аз ҳар чиз, бар ангеза ва имон ва эътимод ба нафси фаъолон муттакӣ аст; Ва ин сармояи арзишманд ба ҳамдиллоҳ дар шумо ҷавонони эронии муъмин ва инқилобӣ мавҷуд ва машҳӯд аст.
Масоили муҳим ва захмҳои тоза ва кӯҳнаи ҷаҳонро мешиносед. Тозатарини онҳо фоҷиаи беназири Ғзза аст. Барҷастатарини онҳо шикасти ахлоқӣ ва сиёсӣ ва иҷтимоии Ғарб ва сиёсатмадорони ғарбӣ ва тамаддуни ғарбӣ аст. Ибратомезтарини онҳо нотавонии либерал демократияи муддаиёни он дар истиқрори озодии баён ва ғафлати маргбори онон аз мавзӯъи адолати иқтисодӣ ва иҷтимоӣ аст. Дурахши кам вале умедбахши эътирозоти мардумӣ ва бахусус донишҷӯӣ дар Амрико ва Аврупо низ аз масоили муҳимми кунунӣ аст. Минтақаи Ғарби Осиё ва кишвари азизи мо низ бо масоили кӯчак ва бузурги мутааддид рӯ ба рӯ аст. Ҳамаи инҳо заминаҳои андеша ва кор ва ибтикор барои маҷмӯаи мубораки ҳамчун Иттиҳодияи шумо аст.
Тавфиқоти шуморо аз Худованди азизи ҳаким масъалат мекунам.
