Ба гузориши икно, ба нақл аз хабаргузории Анадолу, ниҳодҳои амниятии режими саҳюнистӣ тарҳеро баррасӣ мекунанд, ки тибқи он артиши ин режим ба таври қисман аз бахшҳое аз Навори Ғазза ақибнишинӣ карда ва ҷойи худро ба як неруи чандмиллатӣ медиҳад.

Ба гузориши Шабакаи 12-и режими саҳюнистӣ, мақомоти амниятии ин режим дар рӯзҳои ахир ин гузинаро ҳамчун бахше аз талошҳо барои иҷрои тарҳи оташбас мавриди баҳс қарор додаанд.

Гузоришҳо ҳокӣ аз онанд, ки иқдомот барои ташкили «Неруи байналмилалии субот», ки дар тарҳи оташбас пешбинӣ шудааст, оғоз шуда ва зоҳиран Тел-Авив вуруди ин неру ба бархе аз манотиқи Ғаззаро тасдиқ кардааст.

Дар ин гузориш мушаххас нашудааст, ки кадом манотиқ мизбони неруи чандмиллатӣ хоҳанд буд ва ё миқёс ва ҳудуди эҳтимолии ақибнишинии низомии Исроил чӣ қадар хоҳад буд.

4368797