Аҳмад Нуайнаъ: истеъдоди қуръонии бузургтарин мавҳибат дар зиндагии мост + тиловат
Ба гузориши манобеи хабарӣ, Аҳмад Нуайнаъ, аз қориёни бузурги Миср ва ҷаҳони Ислом дар як барномаи телевизионӣ ба баёни сайри ҳаёти қуръонии худ пардохт.
Ӯ дар барномаи телевизионии «Хатти Васеъ» , ки вижаи чеҳраҳои муваффақ аст, аз кӯдакиаш гуфт ва истеъдоди қуръонии хешро бузургтарин мавҳибати илоҳӣ дар зиндагии худ тавсиф кард.
Нуайнаъ дар идома аз зиндагии шахсиашӣ сухан гуфт ва тасреҳ кард: падарам тоҷири пахта ва ӯ низ ҳофизи Қуръони Карим буд ва иштиёқи бисёр дошт то ман низ Қуръонро ҳифз кунам. Қуръонро дар мактабхонаи қуръонӣ ҳифз кардам ва аз шайхам Саъд дар Искандария иҷозаи ҳифз гирифтам ва дар назди шайх Амин Ҳилолӣ, ки нобино ва аз эҳтироми фаровоне бархурдор буд, дарс хондам.
Ба гуфтаи ин қории бузурги Миср ва ҷаҳони Ислом, Анвар Содот, раисҷумҳури собиқи Миср аз тиловати ӯ бисёр тамҷид ва тиловати ӯро бо шайх Мустафо Исмоил муқоиса мекард, ки робитаи дӯстии наздике бо ҳам доштаанд. Нуайнаъ ҳамчунин афзуд:, ки ӯ пизишки махсуси содот ва хонаводааш будааст.
Нуайнаъ ҳамчунин гуфт, ки ӯ аз тарафдорони шайх Мутавалли Аш-Шаъровӣ, муфассир ва хатиби бузурги мисрӣ ва аз шогирдони вай будааст ва Мутавалли Аш-Шаъровӣ, тиловати ӯро бисёр меписандид ва ҳамвора мегуфт, ки Нуайнаъ моро аз дармони бадан ба дармони ҷон ва дил савқ медиҳад.
Дар идома видеое аз тиловатҳои маҷлисии устод Аҳмад Нуайнаъро мушоҳида мекунед.
