Зиёрати имом Ҳусайн (а) симои Исломи ростинро нишонам дод
Ба гузориши манобеи хабарӣ, бонуи тоза мусулмони украиние, ки ба зиёрати ҳарами мутаҳҳари имом Ҳусайн (а) мушрраф шуда мӯътақид аст, ки расонаҳои дунё ва аз ҷумла расонаҳои Украина илова бар расонаҳои дигар адён, аз Ислом ба шакли ғайри дақиқ балки ифротӣ сухан мегӯянд ба вижа инки аз назари онҳо Ислом дини тарснок ва ҷинояткорона аст, аммо сафарҳо ва зиёрати Карбало комилан акси ин маворидро собит мекунад.
Машрӯҳи суханони ӯ дар идома аз назар мегузарад.
Ман тавфиқ дорам, ки ба зиёрати Карбалои Муалло ва дигар атаботи олиёт мушрраф шудаам ва бо дидани ин саҳнаҳои маънавӣ, ки пеш аз ин монанди онро ҳатто дар телевизион ҳам надида будам, шӯр ва шаафи зиёде ба ман даст дод; Ҳангоме, ки чашмам ба зиреҳи имом Ҳусайн (а) афтод ба шиддат гиряам гирифт, дар канори зиреҳ истодам ва аташи маънавӣ ба ин макон доштам, шӯр ва ҳисси аҷибе доштам, ки агар бихоҳам дар бораи он сӯҳбат кунам сухан ба дарозо мекашид. Ҳатто агар ду рӯзи паёпай дар ин бора ҳарф бизанам наметавонам азамати ин зиёратро тавсиф кунам.
Вақте барои аввалин бор дар баробари зиреҳи имом Ҳусайн (а) истодам, тамоми ончи қаблан аз саҳнаҳо, ҳаводис ва вақоеи дардноки Ошуро хонда будам ба зеҳнам омад; Бо вуҷуди иттилооти каме, ки аз шахсияти имом Ҳусайн (а) дорам ҳаргоҳ ончиро, ки бар ӯ ва Аҳли байти (а) бузургавор, занон ва кӯдаконаш гузашта, мурур мекунам, ончи ҷонамро ба дард меовард ва бароям ба шиддат дардовар аст моҷарои шаҳодати тифли ширхораи Ҳусайн (а) бо тири заҳрогин аст. Ин воқеаро ҳаргиз наметавонам фаромӯш кунам, ҳаргоҳ ба ёдаш меюфтам, гиряам мегирад, тавонамро аз даст медиҳам ва дигар наметавонам сӯҳбат кунам, пӯзиш металабам, буғз галуямро мефишорад ва заҷр маро аз идомаи сухан бозмедорад.
Расонаҳои дунё ва аз ҷумла расонаҳои Украина илова бар расонаҳои дигар адён, аз Ислом ба шакли ғайри дақиқ балки ифротӣ сухан мегӯянд ба вижа инки аз назари онҳо Ислом дини тарснок ва ҷинояткорона аст, аммо сафарҳо ва зиёрати Карбало комилан акси ин маворидро собит мекунад. Фаҳмидем, ки ин Аҳли байт (а) ҳастанд, ки намояндаи Исломи ростин ҳастанд ва аъмоли нораворо наметавон ба Ислом нисбат дод балки ин аъмол ба рафтори гурӯҳҳои ифротгаро тааллуқ дорад, ки барои бадном кардани Ислом анҷом мешавад.
Далеламон ҳам ин аст, ки ифротиҳо ҳар касро, ки ба мазҳаби Аҳли байт (Алайҳимассалом) тамассук ҷӯяд ба қатл мерасонанд ва таърихи вақойеъ ва ҳаводис, чизҳои зиёде ба мо меомӯзад; Аз онҳое, ки ба ҷанги бо Аҳли байт бархостанд ва ҳоло ҳамонҳо бо номи дигар бозгаштаанд.
Дар тӯли сафари зиёратии худ ба ин амокини муқаддас дарёфтем, ки чӣ чизе намояндаи Исломи ростин ва намояндаи Аҳли байт (а) аст. Дарҳоле ки гурӯҳҳои ифротӣ ба воситаи ҷинояти созмонёфтаи худ абзоре барои куштори инсоният ва ҳар чизи инсонӣ ҳастанд; Онҳо ҷуз қатлиоми кӯдакон, занон ва нобудии ҳар чизе, ки мутааллиқ ба тамаддун ва таърих аст забони дигаре намешиносанд. Аз инру ҳадафи мо ҳамон ҳадафи имом Ҳусайн (а) аст ва ин ҳадаф яъне фидокорӣ дар роҳи тамоми башарият ба вижа уммати Ислом, ки ҳадафи равшан аст ва Иншоаллоҳ, ки бар роҳи он ҳазрат Алайҳиссалом собит қадам бидонем.
