Нигоҳе ба осори донишмандони мусулмон дар музаи илм ва фановарии Истамбул + филм ва акс
Ба гузориши ИКНА, ин муза дар бахши ғарбӣ порки гулхона ва дар хиёбони Тара Хатон шаҳри Истамбул Туркия воқеъ шудааст ва ба донишмандон, мухтареъон ва физикдонони мусулмон дар тӯли қуруни вусто ва ҳамчунин ба фановарӣ ва дониши исломӣ дар замоне, ки Аврупо дар асри торикӣ ба сар мебарад, мепардозад.
Ҷойгоҳи ин муза дар сатҳи ҷаҳонӣ беназир аст; Зеро ин аввалин музаи тахассусии таърихи илм ва фановарӣ дар Туркия ва дувумин музаи ҷаҳон пас аз Франктфурт маҳсуб мешавад, ки бо маҷмӯае аз ихтироот ва дастовардҳои илмӣ - таърихӣ дар заминаҳои мухталиф аз қуруни вусто то даврони авохири ренисонс роҳандозӣ шудааст.
Дар ин муза ба мавзӯъоте аз ҷумла ситорашиносӣ, риёзӣ, физик, ҷанг, пизишкӣ, дарёнавардӣ ва шаҳрсозӣ таваҷҷуҳ шуда ва боиси ошноӣ бо абзори илмии донишмандони қарни 9 ва 16 мешавад.
Ин муза, ки дар соли 2008 ифтитоҳ ва дар канори кохи музаи Тӯпакапӣ воқеъ шудааст масоҳате болиғ бар 3500 метри мураббаъ дорад ва беш аз 570 намуна аз абзорҳо, дастгоҳҳо ва муделҳои мухталифро ба намоиш мегузорд. Бахши бузурге аз 585 абзор дастгоҳ ва мудел ба намоиш гузошта шуда дар муза бар асоси тавсифҳои нигораҳо ва ривоятҳои мазкур дар дастнавиштаҳо ва нашриёти қадимӣ аст дар ҳоле, ки бахши бисёр каме низ ҳосили таҳқиқот ва мутолиот бар асоси асли осор аст.
Бахши нуҷуми ин муза бо пардохтан ба яке аз қадимитарин улуми ҷаҳон, яъне нуҷум, таваҷҷуҳи ҳамаро ба худ ҷалб мекунад. Дар ин бахш, миниётураҳо аз расадхонаҳои маъруфи исломӣ, астролабҳо, курраҳои ҷаҳонӣ ва таҷҳизоти андозагирӣ ба намоиши гузошта шудааст.
Васоили ҷарроҳии пизишкони Ислом, васоили нуҷумии мунаҷҷимон ва донишмандони Ислом ва васоили ҷангии даврони Ислом аз ҷумла васоиле ба шумор меравад, ки дар музаи Истамбул дар маърази диди умум қарор гирифтааст.
Фазои дохилии ин муза дар ду табақа тарроҳӣ шудааст, ки ҳар кадом аз онҳо таҷрибаҳои ноб ва ҷаззоберо ба боздидкунндагон ироа медиҳад; Дар тамоми солҳои намоишгоҳи муза ҳам муделҳои мухталифе аз осори исломӣ донишмандон ба намоиш гузошта шудааст.
Дар идома тасовире аз осор ва лавозим ба намоиш гузошта дар музаи таърихи илм ва фановарии исломӣ дар Истамбулро мушоҳида мекунед:
