Бонуи эронӣ озими мусобиқоти Қуръони ҷоизаи Дубай мешавад
Ба гузориши ИКНА, ҳаштумин давраи мусобиқоти байналмилалии Қуръони Карим ҷоизаи бузурги Дубай дар бахши бонувон, ки бештар бо унвони мусобиқоти Қуръон «Фотима бинти Муборак» (ҳамсари ҳокими Дубай) шинохта мешавад, бо ҳузури намояндаи Эрон баргузор хоҳад шуд.
Масъулони баргузоркунандаи ин рӯйдоди байналмилалӣ бо ирсоли даъватнома ба Созмони авқоф ва умури хайрия аз намояндаи Ҷумҳурии Исломии Эрон барои ҳузур дар ин рақобати қуръонӣ даъват карданд ва бар асоси шанидаҳо замони баргузории ин рӯйдод дар моҳи август хоҳад буд.
Бар ҳамин асос ва бо ҳамоҳангии кумитаи эъзом ва даъват аз қориён ва маркази умури қуръонии Созмони авқоф ва умури хайрия Заҳро Ансорӣ, ба унвони намояндаи Эрон дар ҳаштумин давраи мусобиқоти байналмилалии Қуръони ҷоизаи бузурги Дубай дар бахши бонувон муаррифӣ шудааст.
Заҳро Ансорӣ, соли гузашта ва дар марҳалаи ниҳоӣ чиҳил ва шашумин давраи мусобиқоти саросарии Қуръони Карим, ки ба мизбонии шаҳри Буҷнурд баргузор шуд, рутбаи дувуми риштаи ҳифзи кулли Қуръони Каримро ба дастовард ва ба назар мерасад аз далоили интихоби вай ба унвони намояндаи Эрон дар мусобиқоти Дубай нозир ба дарёфти ҳамин рутба будааст. Вай ҳамчунин соли гузашта рутбаи нахусти сиюҳафтумин давраи ҷашнвораи миллии Қуръон ва Итрати донишҷуёни вазорати улумро дарёфт кардааст.
Барои иттилооти бештар дар бораи мусобиқоти расмии Қуръон ба канали мусобиқоти Қуръони Карим Ҷумҳурии Исломии Эрон ба нишонаи https://eitaa.com/mosabeghatequran муроҷиа шавад.
https://iqna.ir/fa/news/4228007
