Фаластин хостори ҳазфи варзишкорони саҳюнистӣ аз Олимпиадаи Париж шуд
Ба гузориши Алқудсул-Арабӣ, кумитаи Олимпиадаи Фаластин хостори ҳазфи фаврии режими саҳюнистӣ аз бозиҳои Олимпиадаи Париж ба далели идомаи ҷанг дар Ғазза шуд.
Кумитаи Олимпиадаи Фаластин паёме хитоб ба Томас Бах, раиси кумитаи байналмилалии Олимпиада дар шабакаҳои иҷтимоӣ мунташир ва дар он Исроилро ба «тадовуми нақзи маншури Олимпиада» тавассути созмонҳои варзишии Исроил ва аъзои онҳо муттаҳам кард.
Кумитаи Олимпиадаи Фаластин эълом кард, ки Исроил бо бомбаборони аҳдофе дар Ғазза оташбаси маншури Олимпиадаро нақз мекунад.
Дар бахши дигаре аз паёми кумитаи Олимпиадаи Фаластин омадааст: Аз оғози даргириҳо дар октябри гузашта токунун 400 варзишкори фаластинӣ кушта шудаанд.
Ин паём ҳамчунин хитоб ба федератсияи байналмилалии футболи (ФИФА) ва раиси он, Джанни Инфантино аст. Чаро, ки тими миллии футболи мардони Исроил ҳам дар Олимпиадаи Париж ширкат хоҳад кард.
Томас Бах, пештар гуфта буд, ки ҳузури Исроил дар Олимпиадаи Париж, ки ҷумъаи оянда ифтитоҳ мешавад, дар хатар нест.
Мақомоти фаронсавӣ эълом карданд, ки корвони варзишии Исроил шабонарӯз муҳофизат хоҳад шуд.
Дар ҷараёни нишасти ахири маҷмаъи умумии ФИФА, федератсияи футболи Фаластин хостори ҳазфи Исроил шуд, ки тасмимгирӣ дар ин хусус ба таъвиқ афтодааст.
