Ню-Йорк Таймз: Ҳамос ҳаргиз шикаст нахоҳад хӯрд
Ба гузориши манобеи хабарӣ, рӯзномаи амрикоии Ню-Йорк Таймз ба нақл аз таҳлилгарони байналмилалӣ навишт, ки зарботи ахире, ки ҷунбиши муқовимати исломии Фаластин Ҳамос аз ҷумла дар террори Исмоил Ҳания раиси дафтари сиёсии худ, дарёфт карда; Гарчи метавонад дар кӯтоҳмуддат як шикасти талаққӣ шавад; Аммо барои ҷилавгирӣ аз рӯи кор омадани комили он бо салобат ва қудрати сиёсии бештар кофӣ нест.
Ин рӯзнома дар мақолае ба қалами Ирка Соломон навишт, ки гарчи зарботи ахир дар раванди ҷанги 30 сола байни Телавив ва Ҳамос вайронгар ба назар мерасад, аммо таърихи гурӯҳҳои муқовимати Фаластин тайи чанд даҳаи ахир ва мантиқи муқовимат нишон медиҳад, ки ин ҷунбиш натанҳо аз ин буҳрон хориҷ хоҳад шуд балки қудрати сиёсии бештаре пайдо хоҳад кард.
Дар тарафи муқобил низ ин таҳлилгарон мӯътақиданд гарчи режими саҳюнистиӣ бо ин террорҳо пирӯзии кӯтоҳмуддате ба даст оварда, аммо наметавон як муваффақияти стратегӣ ва баланд муддат барои худ муҳаққақ кунад.
Таҳони Мустафо таҳлилгари масоили Фаластин дар коргуруҳи «буҳронҳои байналмилалӣ» низ мӯътақид аст, ки ин ҳамалот таъсири комилан маъкусе хоҳад дошт ва боиси эҷоди эҳсоси тарс ё шикаст дар миёни Фаластиниҳо нахоҳад шуд, балки баракс Исроил бо ин террор, баргаи барандаро ба Фаластиниҳо тақдим кардааст.
Режими саҳюнистӣ бо вуҷуди гузашти беш аз 300 рӯз аз ҷанги Ғазза ва овора кардани беш аз 90 дарсад аз сокинони ин минтақаи ҷангзада ва тахриби бахшҳои густурдае аз шаҳрҳо ва рустоҳои он ва ба шаҳодат расидани беш аз 39 ҳазор нафар, натавониста ба аҳдофи худ дар ҷанги дар Ғазза пайдо кунад.
Гурӯҳҳои муқовимати исломии Фаластин аз ҷумла Ҳамос ҳамчунон бо вуҷуди ҳамалоти саҳюнистҳо ба фаъолияти худ идома медиҳанд ва неруҳои ҷадидеро дар дохил ва хориҷ аз Ғазза ҷазб мекунанд. Фаъолиятҳои гурӯҳҳои муқовимат дар манотиқе, ки режими саҳюнистӣ онҳоро тахлия карда, идома пайдо мекунад ва онҳо ҳатто дар манотиқе, ки таҳти муҳосираи шадиди режими саҳюнистӣ қарор дорад, ба манобеи дохилии худ такя доранд.
https://tajikpress.com/2024/08/05/
