Мусобиқоти байналмилалии Қуръони Арабистон оғоз шуд
Ба гузориши ИКНА; Ба нақл аз вебгоҳи рӯзномаи мисрии «Ал-Аҳром», ин мусобиқот бо ҳимояти «Салмон ибни Абдулазиз Оли Сауд», подшоҳи Арабистон ва дар Масҷидулҳаром дар Маккаи мукаррама баргузор мешавад.
Дар ин мусобиқот, ки бо созмонедҳии вазорати умури исломӣ, таблиғот ва иршоди Арабистон баргузор мешавад, намояндагоне аз кишварҳои мухталифи исломӣ ҳузур доранд.
Бар асоси ин гузориш, Муҳаммадҳусайн Беҳзодфар дар риштаи ҳифзи кулли Қуръон ва Муҳаммадмаҳдии Ризои дар риштаи ҳифз 15 ҷузъ ба намояндагӣ аз кишвари Эрон дар мусобиқоти Қуръони кишвари Арабистон ҳузур хоҳанд дошт.
Бинобар эъломи масъулон, ширкаткунандагон дар ин мусобиқот аз кишварҳои мухталифи ҷаҳон дар панҷ ришта аз ҷумла ҳифзи кулли Қуръон бо савт ва лаҳн бо истифода аз ҳафт қироати мутавотир аз тариқи Шотбия; Ҳифзи кулли Қуръон бо лаҳн, таҷвид ва тафсири вожагони Қуръон; Ҳифзи кулли Қуръон бо савт ва лаҳн; Ҳифзи понздаҳ ҷузъи мутаволии Қуръон бо савт ва лаҳн ва ҳифзи панҷ ҷузъ бо савт ва лаҳн ба рақобат мепардозанд.
Арзиши ҷавоизи мусобиқот чаҳор миллион риёли Арабистон аст, ки нафари аввал дар риштаи аввал 500000 риёл, нафар дувум 450000 риёл ва нафари севум 400000 риёл ва нафари аввал дар риштаи дувум 300000 риёл, нафари дувум 275000 риёл ва нафари севум 250000 риёл ҷоиза дарёфт хоҳанд кард. Дар риштаи севум, нафари аввал 200 ҳазор риёл, дувум 190000 риёл ва нафари севум 180 ҳазор риёл ва нафари чаҳорум 180 ҳазор риёл ҷоиза дарёфт хоҳанд кард.
Дар риштаи чаҳорум нафари аввал 150000 риёл, нафари дувум 140000 риёл, нафари севум 130000 риёл, нафари чаҳорум 120000 ва нафари панҷум 110000 риёл ҷоиза дарёфт мекунад ва дар риштаи панҷум ба нафари аввал 65 ҳазор риёл, нафари дувум 60 ҳазор риёл, севум 55 ҳазор риёл, чаҳорум 50 ҳазор риёл ва нафари панҷум 45 ҳазор риёл ҷоиза хоҳад гирифт.
Мусобиқоти Қуръони Малик Абдулазиз аз соли 1399 ҳиҷрии қамарӣ аз сӯи вазоратхонаи умури исломӣ, таблиғот ва иршоди Арабистон оғоз шуда ва токунун ҳазорон нафар аз саросари ҷаҳон дар он ширкат кардаанд.
