Бонуи солхурдаи мисрӣ кулли Қуръонро 10 моҳа китобат кард + филм ва акс
Ба гузориши манобеи хабарӣ, Ҳоҷия Фоиза, бонуи солхурдаи мисрӣ, ки акнун умри наздик ба як қарн дорад, алоқаи бисёре ба навиштан ва китобат дорад.
Ӯ тавонистааст дар муддати 10 моҳ кулли Қуръони Каримро китобат кунад ва ҳамчунин шуморе аз аҳодиси Набавиро низ нигоштааст. Ӯ худ мегӯяд, ки ин корро барои фаҳми беҳтари аҳодис ва Қуръони Карим анҷом додааст.
Ин бонуи солхурдаи мисрӣ аҳли шаҳри Кафр ад-Довар воқеъ дар устони Буҳайра аст ва ба гуфтаи худ ошиқи китобат ва навиштан аст. Аз ҳангоме ки донишомӯзи ибтидоӣ буда ва то баъдҳо, ки издивоҷ карда ва соҳиби фарзанд ва нава шудааст, лаҳзоти ширин ва хотироти мавриди алоқаи худро рӯи ҳар коғазе, ҳатто пӯшаҳои муқавво ва ҳар чизе, ки ба дасташ мерасида менавишта то ба таври мудовим ончи ҳар рӯз иттифоқ меафтад, ҳатто агар як мулоқот бошад, сабт кунад.
Вай ҳамчунин афзуд, ки иддаи навиштани кулли Қуръони Карим ва аҳодиси Паёмбар (с) пас аз ташвиқи хонаводааш ба зеҳнаш хутур кард, зеро мехост аз ишқи худ ба навиштан ва китобат ба шакли муфид ва арзишманд баҳра бибарад ва ингуна тавонист, ки китобати Қуръони Каримро танҳо дар 10 моҳ ба поён бирасонад.
Вай ҳамчунин таъйид кард, ки сафарҳои руасои ҷумҳури фақид монанди сафари Ҷамол Абдунносир, раисҷумҳури собиқ ба устони Буҳайра ё ҳар рӯйдоди расмӣ дар ин устонро илова бар лаҳзоти рӯзи хосси худ монанди дидори наваҳо ё набераҳо, издивоҷ ҳаркадом аз онҳо ва таваллуди фарзандонро сабт карда ва барои беш аз 30 наваи худ ин хотиротро нақл мекунад.
