Нахустин давраи мусобиқоти байналмилалии Қуръони ҷоизаи Ироқ баргузор мешавад
Ба гузориши манобеи ироқӣ, аввалин давраи ҷоизаи байналмилалии Ироқ вижаи ҳифз ва қироати Қуръони Карим қарор аст ноябри 2024 баробар дар Бағдод, пойтахти ин кишвар баргузор шавад.
Ҷаласаи кумитаи фаннии авқофи шиъа ва суннӣ барои баргузории аввалин давраи мусобиқоти байналмилалии ҳифз ва қироати Қуръони Карими Ироқ рӯзи сешанбе ба риёсати Содиқ Ал-Ҳасуна дар сохтумони Шӯрои вазирон дар Бағдод, пойтахти Ироқ, бо ҳузури аъзои кумитаи олӣ ва кумитаҳои муқаддамотӣ ва молӣ барои баррасии роҳҳои омодасозии шароити баргузории ин мусобиқот дар ноябри оянда баргузор шуд.
Ин нишаст бо ҳузури Ҳишом Абдуннабӣ, мудирикулли идораи эҳёи шаоъири Ҳусайнӣ дар идораи авқофи шиъаёни Ироқ ва Рофеъ Ал-Омирӣ, раиси маркази миллии улуми қуръонӣ ва узви кумитаи олии созмонедеҳии ин мусобиқа баргузор шуд.
Ҳамчунин Нуруддин Муҳаммад аз девони вақфи суннӣ ва мудири идораи ҷашнҳои динӣ ва шайх Қатиба Аммош, мудири маркази Қуръони Карими Ироқ ва аъзои кумитаҳои омодҳсозӣ ва молии вақфи шиъа ва суннӣ дар ин нишаст ҳузур доштанд.
Қарор буд аввалин давраи рақобатҳои байналмилалии Қуръони ҷоизаи Ироқ ибтидои соли 2024 мелодӣ ба ҳиммати маркази Қуръони Карими Ироқ вобаста ба идораи авқофи аҳли суннат ва маркази миллии улуми Қуръони вобаста ба идораи авқофи шиъаён дар Ироқ баргузор шавад.
