Фарохони шайх Акрама Сабрӣ барои ҳузури густурда дар Масҷидулақсо

ИКНА - Шайх Акрама Сабрӣ, имом ва хатиби Масҷидулақсо дар вокуниш ба иқдомоти таҳрикомези яҳудиёни саҳюнистӣ, ҳузури густурдаи Фаластинён дар ин масҷид барои муҳофизат аз онро хостор шуд.

Ба гузориши маркази иттилоърасонии Фаластин, шайх Акрама Сабрӣ бо интишори баёнияе зимни фарохондани мардум барои ҳузури густурда дар Масҷидулақсо, тасреҳ кард: шаҳракнишинони муҳоҷим ба Масҷидулақсо дар ин таваҳҳум ҳастанд, ки замони ҳамлаи аслӣ ба он фаро расидааст. 

Вай афзуд: Видеои мунташир шуда тавассути гурӯҳҳои ифротии яҳудӣ ончиро, ки мо борҳо гуфтаем, таъйид мекунад, ки онҳо орзуи тасаллути комил бар масҷиди муборак Ал-Ақсро доранд.

Хатиби Масҷидулақсо нисбат ба ҳуҷуми густурдаи шаҳракнишинон ба ин масҷиди муқаддас ва таҳрикоти густурда алайҳи он ҳушдор дод ва онро ҳамла, чолиш ва таҳрики ошкори эҳсосоти мусулмонон тавсиф кард.

Вай бо таъкид бар ҳаққи динӣ ва илоҳии мусулмонон бар Масҷидулақсо, хостори муқобила бо ин тарҳҳо ва муҳофизат аз Қудс ва Масҷидулақсо дар баробари ҳамалот ва тамаъи саҳюнистҳо шуд.

Гурӯҳе аз шаҳракнишинони ифротии мавсум ба «фаъолони кӯҳи маъбад», ки хостори барпоии маъбад дар маҳалли Масҷидулақсо ҳастанд, бо интишори клипи шабеҳсозишуда аз оташзадани Масҷидулақсо дар шабакаҳои иҷтимоӣ, баён кардаанд [ин иқдом] «ба зудӣ муҳаққақ хоҳад шуд!». Ин гурӯҳ дар заминаи фарохон барои ҳуҷуми ифротгароён ба саҳнаҳои масҷид фаъолият мекунанд.

https://iqna.ir/00Hm3k