Омодагии Эрон ба “бузургтарин ҳамла дар таърих” алайҳи Исроил
Ба гузориши ТоҷикПресс, манобеи огоҳ дар Эрон ба хабаргузории “Ал-Арабия Ал-ҷадид” эълом кардаанд, ки неруҳои мусаллаҳи Эрон ба дастури Шӯрои олии амнияти миллии ин кишвар дар ҳоли барномарезӣ барои ҳамлае ба режим саҳюнистӣ ҳастанд, ки “аз назари миқдор ва сифат густардатарин ҳамла то ба имрӯз хоҳад буд”. Ин манобеъ таъкид карданд, ки фармондеҳони эронӣ дар суханони ахири худ дар бораи посухи сахту вайронгар, “ба таври комил ба гуфтаҳои худ бовар доранд”.
Тарҳи аз пеш омодашуда барои муқобила бо таҳдидот
Ин манобеъ афзудаанд, ки тарҳи эҳтимолии ҳамлаи Эрон ҷузви тарҳҳое буда, ки пеш аз ҳамлаи режими Исроил дар авоили моҳи октябр таҳия шуда буд. Бо иҷрои ҳамла дар таърихи 26 октябр, ин тарҳҳо ба рӯзрасонӣ шудаанд то бо ниёзҳо ва шароити ҷадид созгорӣ дошта бошанд ва мутаносиб бо моҳияти посухи Эрон ба таҳдидоти Исроил бошанд.
Омодасозӣ барои амалиёти таркибӣ
Ба гуфтаи ин манобеъ, “Амалиёти ваъдаи содиқи 3” ба сурати таркибӣ ва на маҳдуд ба шиллики мушак хоҳад буд. Ин амалиёт шомили истифода аз мушакҳое бо кулоҳакҳои сангинтар ва бузургтар аз қабл хоҳад буд ва барои аввалин бор артиши Эрон низ дар ин ҳамла ширкат хоҳад дошт. Ин дар ҳоле аст, ки ду амалиёти қаблӣ дар моҳҳои апрел ва октябр тавассути Сипоҳи Посдорони Инқилоби Исломии Эрон анҷом шуда буд.
Аҳдофи стратегики Эрон
Манобеъ таъкид кардаанд, ки ҳадафи Эрон аз ин амалиёти густарда, “тағйири муҳосиботи стратегии режими саҳюнистӣ ва ҷилавгирӣ аз густариши ҷанг дар минтақа” аст. Ин посухҳо барои тағйири муодилот ва таъмини манофеи миллии Эрон барномарезӣ шудаанд ва на бар асоси интизороти дигар кишварҳо. Эрон ҳамчунин қасд дорад нишон диҳад, ки посухҳояш ба таҳдидоти режим Исроил метавонад фаротар аз ҳадди интизор бошад.
Таъкид бар посух аз хоки Эрон
Манобеи эронӣ зимни радди бархе гузоришҳо дар бораи истифодаи Эрон аз хоки Ироқ барои ҳамла, таъкид карданд, ки “Эрон аз хоки худ ба ҳамалоти режими саҳюнистӣ посух хоҳад дод”. Бо ин ҳол, онҳо ишора карданд, ки неруҳои муқовимати исломӣ дар Ироқ низ тавонмандиҳои худро ҳифз карда ва дар ҳоли муқобила бо таҳдидоти Исроил ҳастанд. Пешбинӣ мешавад, ки ин гуруҳҳо низ дар посух ба таҷовузоти ҳавоии режими саҳюнистӣ ба ҳарими ҳавоии Ироқ, иқдомоте анҷом диҳанд.
Натиҷагирӣ
Дар ниҳоят, гузоришҳо мегӯяд, ки Эрон ба дунболи ҳамлае бо домана ва густардагии бештаре нисбат ба амалиётҳои гузашта аст. Ин тарҳҳо, ки шомили истратегиҳои таркибӣ ва ҳамоҳангӣ миёни бахшҳои мухталифи низомӣ аст, ҳадафе болотар аз посухҳои маъмулӣ дорад ва талоше барои тағйири асосӣ дар муодилоти минтақавӣ мебошад.
https://tajikpress.com/2024/11/04/
