Сездаҳумин мусобиқоти байналмилалии Қуръони ҷоизаи Кувайт баргузор мешавад
Ба гузориши вазорати авқоф ва умури исломии Кувайт аз баргузории сездаҳумин мусобиқоти ҳифз, қироат ва таҷвиди Қуръони ҷоизаи Кувайт соли 2024 бо назорати шайх Машъал Аҳмад, амири ин кишвар хабар дод.
Бандар Насофӣ, раиси кумитаи иҷроии мусобиқот дар конфронси матбуотӣ дар бораи мусобиқот изҳор кард: Ин рақобатҳо дар ростои ҳимояти доимии Кувайт аз Қуръон ва улуми қуръонӣ баргузор мешавад ва рӯйкарди собити ин кишвар дар хидмат ба Ислом ва тақвияти ҷойгоҳи Қуръон миёни умматҳоро нишон медиҳад.
Вай афзуд: Ҷоизаи Қуръони Кувайт аз бадви роҳандозӣ дар сол 2010 рисолати волои ташвиқи насли ҷавон аз ақсо нуқоти ҷаҳон ба рақобат дар ҳифз, тиловат ва таҷвиди Қуръонро дар дастури кор қарор дод.
Насофӣ тасреҳ кард ин мусобиқа панҷ ришта дорад, ки шомили ҳифзи кулли Қуръон, ҳифзи Қуръон бо қироати Вашр, тиловат ва тартил, ҳифзи Қуръон вижаи ҳофизони навниҳол ва риштаи беҳтарин проекти фаннӣ дар заминаи хидмат ба Қуръон аст.
Вай ҳамчунин гуфт: Кумитаи доварон ва ширкаткунандагони мусобиқот аз 85 кишвар хоҳанд буд ва токунун теъдоди ширкаткунандагон ба 127 нафар аз 75 кишвар расидааст, ки 75 нафар дар риштаи ҳифз, 16 нафар дар қироати Вашр, 13 нафар дар тиловат ва тартил ва 23 нафар дар риштаи ҳофизони навниҳол дар ин рақобатҳо мушорикат хоҳанд кард.
Раиси кумитаи иҷроии сездаҳумин мусобиқаи Қуръони ҷоизаи Кувайт дар поён изҳор кард: дар ҳошияи мусобиқот намоишгоҳе бо шиори «Бихонед онгуна, ки ёд гирифтаед» бо ҳадафи ба намоишгузоштани шеваҳо ва макотиби ҳифзи Қуръон ва мароҳили тавсеаи шеваҳои ҳифз баргузор хоҳад шуд.
