Абъоди шахсияти муҷоҳиди хастагинопазир шаҳид Сайид Ҳасан Насруллоҳ
Ҳуҷҷатулислом Сайид Мустафо Ҳусайнии Найшопурӣ, раиси маркази байналмилалии Қуръон ва таблиғи Созмони фарҳанг ва иртибототи исломӣ ва узви ситоди баргузории ҳамоиши байналмилалии мактаби Насруллоҳ, ки ба муносибати чиҳилумин рӯзи шаҳодати дабири кулли фақиди ҷунбиши муқовимати исломии Лубнон (Ҳизбуллоҳ) субҳи имрӯз, дар Теҳрон баргузор шуд дар гуфтугӯ бо ИКНА дар бораи абъоди шахсиятии шаҳид Сайид Ҳасан Насруллоҳ гуфт: Яке аз вижагиҳои шаҳид Сайид Ҳасан Насруллоҳ ин буд, ки дар шароити бисёр сахт, шарҳи садри бисёр зиёде дошт ва ин муяссар намешавад магар ин ки инсон ба воқеъ таслим ва мусулмон воқеӣ бошад. Ҳамчунон, ки Худованд дар Қуръони Карим мефрмоед: أَفَمَن شَرَحَ ٱللَّهُ صَدۡرَهُۥ لِلإِسلَٰمِ فَهُوَ عَلَىٰ نُورࣲ مِّن رَّبِّهِ "Пас оё касе, ки Худо синаашро барои [пазириши] Ислом гушӯда ва ӯ аз ҷониби Парвардигораш бар нуре [аз ҳидоят устувор] аст" (22/ Зумар) ба воқеъ ин шарҳи садр, ки нишондиҳандаи сабурӣ ва тавсеаи вуҷудии инсон аст, метавонад дар сахтиҳои мисли саҳнаҳои бисёр сахте, ки дар ин солҳо дар мубориза бо душман барои ишон рух дод худашро нишон диҳад.
Вай дувумин вижагии шахсияти қуръонии Сайиди муқовиматро ақлоният ва ҳикмат донист ва тасреҳ кард: Ақлоният ва ҳикмате, ки ишон дорад хеле кумак кард ба ин ки ишон маншаи асар бошад ва бисёре аз муваффақиятҳо ва пирӯзиҳо дар ҷабҳаи муқовимат ва ҷабҳаи Ислом марбут ба ин вижагӣ мешуд, ки ишон дар раҳбарии Ҳизбуллоҳ дошт.
Ҳусайни Найшопурӣ афзуд: Севумин буъди шахсиятие, ки мешавад вижагии қуръонии ин шаҳиди бузургавор донист ин аст, ки ишон дар ҳавзаи мудирияти роҳбурдӣ бисёр қавӣ буданд.
Раиси маркази байналмилалии Қуръон ва таблиғи Созмони фарҳанг ва иртиботот исломӣ афзуд: Яке дигар аз вижагии бисёр муҳимме, ки дар вуҷуди ишон ба унвони як вижагии қуръонӣ метавон ном бурд муҷоҳидат ва шуҷоати ӯ аст. Мавзӯе, ки дар ҷой ҷои Қуръон ба он ишора шудааст.
Ҳуҷҷатулислом Найшопурӣ дар поён гуфт: Яке дигар аз вижагиҳое, ки мешавад барои шахсияти қуръонии шаҳид Сайид Ҳасан Насруллоҳ баршумурд; Унси бо Қуръон, дуо, убудият ва бандагӣ аст.
Ҳамчунин, ҳамоиши мактаби Насруллоҳ бо ҳузури меҳмони дохилӣ ва хориҷӣ ва мудирони аршади низом аз соати 9 субҳ то 17 имрӯз, дар ду бахши субҳ ва баъд аз зуҳр баргузор шуд. Барномаи субҳ вижаи суханрониҳои умумӣ ва барномаи баъд аз зуҳр шомили нишастҳои тахассусӣ аст.
Меҳварҳои аслии баргузории ин ҳамоиш ба баррасии абъоди мухталифи фикрӣ ва маърифатии шахсияти Сайид Ҳасан Насруллоҳ бо ҳадафи улгусозӣ ва табйини нақши раҳбарони ояндаи муқовимат ихтисос дорад.
