Маҳфили байналмилалии унси бо Қуръон дар ҳарами имоми Козим (ъ) баргузор шуд + акс
Ба гузориши ИКНА аз Ироқ, Ҳайдар Ҳасан Ал-Шимрӣ, тавлияти остони муқаддаси имомайни Козимайн (а) ва раиси идораи авқофи шиъаёни Ироқ зимни суханоне дар ин маросим гуфт: Ироқ ба лутфи Худованди Мутаол чароғи роҳи илм ва донишмандони алоқаманд ба улуми Қуръон буда ва ҳаст ва дар тӯли қуруни мутамодӣ муфассирон ва нависандагони бузурге дар ҳавзаи улуми Қуръон дар ин сарзамин зуҳур кардаанд, ки дар ҷаҳони Ислом шӯҳрат ёфтаанд.
Вай афзуд: Эҳтимом ба Қуръон ва улуми қуръонӣ дар ҷомеаи Ироқ аз насле ба насли дигар ба ирс бурда шуда то ба азамати Қуръон шинохт пайдо кунанд ва ин масъалае аст, ки мавриди таъкиди оёти Қуръон ва ривояот ва тавсияҳои оятуллоҳ Систонӣ низ ҳаст ба тавре, ки ишон пайваста бар тамассуки ба Қуръон ва Аҳли байт (а) таъкид доранд.
Ҳайдар Ҳасан Ал-Шимрӣ, дар идомаи суханони худ зимни табрики барпоии нахустин давраи мусобиқоти байналмилалии Қуръони Ироқ гуфт: Идораи авқофи шиъаён ва идораи авқофи аҳли суннати Ироқ нақши бузурге дар пешрафт ва рушди фаъолиятҳои қуръонии ин кишвар доштаанд ва талоши марокизи қуръонии вобаста ба остонҳои Ҳусайнӣ, Аббосӣ, Алавӣ, Козимайн ва Аскарияйн низ дар ин замина қобили тақдир аст.
Аҳмад Нуъайнаъ аз Миср, Қосим Разеъӣ аз Эрон, Рофеъ Ал-Омирӣ, Қосим Сарой, Муштоқ Ал-Алавӣ ва Аёд Ал-Каъбӣ аз Ироқ дар бахши доварон ва Амр Абдулқодир аз Нигерия, Маҳдии Шоиқ ва Алӣ Ғулом Озод аз Эрон, Муҳаммад Ал-Мусавӣ аз Кувайят, Ҳамуда ибни Ал-Маъз аз Тунис, Муҳаммад Аҳмад ва Муҳаммад Ёсир аз Миср, Муҳаммад Самӣ аз Фаластин ва Аҳмад Софӣ аз Сурия дар бахши мутасобиқин аз ҳозирон дар ин маҳфили байналмилалии унси бо Қуръон буданд.
Ёдовар мешавад, оин ифтитоҳия нахустин давраи мусобиқоти байналмилалии ҳифз ва тиловати Қуръони Ироқ рӯзи шанбе, бо ҳузури Муҳаммадшияъ Ал-Судонӣ, нахуствазири Ироқ дар ҳутели «Ал-Рашид»-и шаҳри Бағдод оғоз шуд. Қарор аст оини ихтитомия ва таҷлил аз нафароти бартари ин мусобиқот имрӯз баргузор шавад.
Бар ҳамин асос Маҳдии Шоиқ ва Алӣ Ғуломозод, ду намояндаи кишварамон дар риштаҳои қироати таҳқиқ ва ҳифзи кулли Қуръони Карим ба тартиб рутбаҳои аввал ва чаҳорумро ба даст оварданд.
https://iqna.ir/fa/news/4248173
