Созукори нави Баҳрайн барои густариши барномаҳои қуръонӣ
Ба гузориши ИКНА, ба нақл аз рӯзномаи "Ал-Билод", ин стратегия бар 4 барномаи қуръонӣ мутамаркиз буда, шомили барномаҳои маҷолиси тафсир, тааҳҳуд ба Қуръон, тарбияи муфассирон ва тафсири сода ва осони Қуръон барои умум мебошад.
Маркази қироат ва тарбияи муаллимони Қуръони Баҳрайн иҷрои ин стратегияи навро таҳти назорати Дабирхонаи Шӯрои олии умури исломӣ бар ӯҳда дошта, идораҳои фаъол дар Вазорати адлия, умури исломӣ ва авқофи Баҳрайн низ дар ин тарҳ ҳамкорӣ мекунанд.
Ҷузъиёти барномаҳо:
1. Барномаи маҷолиси тафсир
Дар ин барнома, тафсири комили Қуръон аз сураи Ҳамд то сураи Нос тибқи сиёсати илмии танзимшуда иҷро мешавад. Ин барномаи илмиро гурӯҳе аз уламои саршинос ва устодони боистеъдод роҳбарӣ хоҳанд кард.
2. Барномаи тааҳҳуд ба Қуръон
Дар ин бахш, кормандони касбҳои динӣ ва толибилмоне, ки ҳифзи Қуръонро ба анҷом нарасонидаанд, ҳадафи барнома қарор гирифтаанд. Ҳадаф ин аст, ки ин афрод ба анҷоми ҳифзи Қуръон ташвиқ шаванд, шумори ҳофизони Қуръон дар ин гурӯҳ афзоиш ёбад ва қудрату ҷойгоҳи онҳо барои иҷрои масъулиятҳои таблиғӣ ва иршодӣ дар ҷомеа тақвият ёбад.
3. Барномаи тарбияи муфассирон
Барои ин барнома, шуморе аз кормандони касбҳои динӣ ва толибилмони улуми исломӣ дар ҳамоҳангӣ бо идораҳои марбутаи Вазорати адлия, умури исломӣ ва авқоф Баҳрайн интихоб мешаванд. Ин афрод дар маҷолиси тафсир ширкат карда, ба барномаи тааҳҳуд ба Қуръон мепайванданд. Дар ин барнома, дарсҳои илмӣ ва давраҳои кӯтоҳмуддати омӯзишӣ, аз ҷумла муқаддимоти умумии улуми Қуръон, усули тафсир, қоидаҳо ва умумияти тафсир, сабабҳои нузул ва таъсири онҳо дар тафсир тадрис хоҳанд шуд.
4. Барномаи тафсири сода ва осони Қуръон барои умум Ин барнома аз ҷониби афроде, ки дар барномаи тарбияи муфассирон ширкат кардаанд, пешниҳод мешавад. Дар он, умум ташвиқ мешаванд, ки маъноҳои вожаҳои Қуръонро фаҳманд ва аз маънои иҷмолии оятҳо баҳраманд гарданд, бидуни он ки ба ҷузъиёт ва баҳсҳои тафсилӣ ворид шаванд.
