Баргузории мусобиқоти қуръонӣ барои донишҷӯён дар Ал-Азҳари Миср
Ба гузориши ИКНА ба нақл аз pls48, Салома Ҷумъа Довуд, раиси донишгоҳи Ал-Азҳар дар бораи ин мусобиқот гуфт: “Ин мусобиқот махсус барои донишҷӯёни (писар ва духтар) аз факултаҳои Ал-Азҳар дар Қоҳира ва манотиқи мухталифи Миср аст ва барои фатҳкунандагони беҳтарин ҷоизаҳои арзандае дар назар гирифта шудааст.”
Вай афзуд: "Дар охири ин мусобиқот, нафари аввал 100 ҳазор фунти мисрӣ, нафари дуюм 75 ҳазор фунти мисрӣ ва нафари сеюм 50 ҳазор фунти мисрӣ хоҳанд гирифт."
Салома Довуд инчунин гуфт: "Барои нафари чаҳорум 25 ҳазор фунти мисрӣ ва барои нафари панҷум 15 ҳазор фунти мисрӣ пешбинӣ шуда ва донишгоҳи Ал-Азҳар қарор аст, ба 5 донишҷӯи дигар ҷоизаҳои ташвиқӣ, ҳар як ба арзиши 5 ҳазор фунт низ тақдим кунад."
Вай таъкид намуд: "Ин мусобиқот як имконияти хуб барои донишҷӯён (писар ва духтар) аст, то истеъдодҳои худро дар ҳифзи Қуръон нишон диҳанд ва ба ҷоизаҳои пулии арзанда даст ёбанд."
Раҳбарияти донишгоҳи Ал-Азҳар ҳамчунин бо эъломи шартҳои ширкат, тасаллут ба маънӣ ва усулҳои нузули Қуръонро аз ҷумлаи ин шартҳо номбар кард ва таъкид намуд, ки ташвиқи донишҷӯён барои муваффақият дар соҳаи ҳифзи Қуръон ва тақвияти арзишҳои динӣ ва маънавӣ дар байни онҳо, аз мақсадҳои мусобиқот мебошад.
