Вазъи масҷиди Умавии Димишқ як ҳафта пас аз фоҷиаи «Зиёфати хунин»
Ба гузориши ИКНА, ба нақл аз "Ас-Сабоҳи Арабӣ", вебгоҳи интернетии "Савт-ул-Асима" (Садои пойтахт)-и Сурия дар бораи хабарҳои мунташиршуда, ба нақл аз манобеи маҳаллӣ ва ғайрирасмӣ, дар бораи баста шудани масҷиди Умавӣ ба далели таъмир тавзеҳот додааст.
Ба гузориши "Савт-ул-Асима", амалиёти таъмир ва нигоҳдорӣ дар дохил ва беруни масҷид бидуни ҳеҷ гуна маҳдудият ва басташавӣ идома дорад.
Бо ин вуҷуд, яке аз масъулони амалиёти таъмири масҷиди Умавӣ гуфтааст, ки мумкин аст ба хотири анҷоми таъмир ба таври қисман масҷидро барои боздидкунандагон банданд, аммо намозгузорон метавонанд намозҳои панҷгонаи худро дар ин масҷид адо кунанд.
Ӯ ҳамчунин ишора кардааст, ки амалиёти таъмир ва нигоҳдории масҷиди Умавӣ шояд зиёда аз ду моҳ идома кунад.
Нирӯҳои амниятӣ ва масъулони масҷиди Умавӣ рӯзи ҷумъаи гузашта пас аз ҳодисаи дардноке, ки дар ин масҷид рух дод, дарҳои онро барои боздидкунандагон бастанд.
Ин ҳодиса дар пайи даъвати як ошпази суриягӣ барои тақсими ғизои ройгон дар масҷиди Умавӣ рух дод, ки ба сабаби издиҳоми ҷамъият се зан ҷон бохта ва теъдоди дигар захмӣ шуданд.
