Робитаи Эрон ва Русия муҳим ва стратегист
Ба гузориши ИКНА, ба нақл аз пойгоҳи иттилоотии раёсатҷумҳурии Эрон, Масъуди Пизишкиён дар идомаи барномаҳои сафараш ба Русия, имрӯз баъд аз зӯҳри ҷумъа 18 январ, бо Владимир Путин, раисҷумҳури Русия мулоқот карда, паёмҳои гарми Раҳбари муаззами Инқилоби Исломиро ба ӯ расонид. Вай бо ишора ба таъкиди ҷиддии ишон бар таҳкими равобит бо Русия, изҳор дошт: "Робитаи Эрон ва Русия дар абъоди дуҷониба, минтақаӣ ва байналмилалӣ рӯз ба рӯз дар ҳоли тақвият аст ва ҳамкориҳои иқтисодӣ ва тиҷоратии ду тараф хуб густариш меёбанд".
Раисҷумҳур бо ишора ба он ки имрӯз тавофуқномаи комили стратегии Эрон ва Русия, ки солҳо таҳқиқи коршиносиро дар бар гирифта, имзо хоҳад шуд, афзуд: "Бар асоси ин тавофуқ, ду кишвар метавонанд дар ҳамаи арсаҳои иқтисодӣ, фарҳангӣ, тиҷоратӣ ва амниятӣ равобити худро тақвият бахшанд".
Пизишкиён робита бо Русияро барои Ҷумҳурии Исломии Эрон муҳим ва стратегии дониста, гуфт: "Ин дидгоҳ ва тавсияи Раҳбари муаззами Инқилоби Исломӣ ва эътиқоди мост, ки масоили минтақа бояд бо идораи кишварҳои минтақа ҳаллу фасл гардад ва ниёзе ба он нест, ки дигарон аз он сӯи ҷаҳон омада, минтақаи моро ноором карда ва сиёсатҳои худро таҳмил кунанд. Бешак, густариши равобити мо нақшаҳои онҳоро барбод хоҳад дод".
Владимир Путин, раисҷумҳури Русия низ дар ин мулоқот, бо изҳори хушнудӣ аз мизбонии раисҷумҳури Эрон ва ҳайати ҳамроҳаш гуфт: "Сафари ҷаноби шумо ба Русия аҳамияти вижа дорад, зеро на танҳо ҳамаи масоили марбут ба ҳамкориҳои дуҷонибаро баррасӣ хоҳем кард, балки аҳдномаи комили ҳамкориҳои стратегии ду кишварро имзо хоҳем кард".
Раисҷумҳури Русия бо ташреҳи абъоди ин аҳдномаи стратегӣ ва нақши он дар густариши ҳамкориҳои миёни ду кишвар, махсусан дар бахшҳои тиҷоратӣ ва иқтисодӣ, афзуд: "Раванди рушди равобити ду кишвар дар ҳоли ҳозир аз суръати қобили қабул бархӯрдор аст".
Владимир Путин таъкид кард: "Мо бар асоси ин аҳднома дар тарҳҳои муҳим ва бузурги муштарак, аз ҷумла дар густариши тарҳҳои нерӯгоҳи ҳастаӣ ва энержӣ ҳамкорӣ хоҳем кард. Ҳамкориҳо дар бахши гардишгарӣ 21 дарсад афзоиш хоҳад ёфт, ҳамкорӣ дар бахши нақлиёт ва рушди масирҳои иртиботӣ густариш меёбад ва дар бахши инсонпарварона низ пешрафт хоҳем дошт".
