Иштироки толибилмони 10 кишвар дар мусобиқоти қуръонӣ дар ҳавзаи илмияи Наҷаф
Ба гузориши ИКНА, ба нақл аз Ал-Кафил, Сайид Маҳанд Ал-Маёлӣ, мудири Маркази Қуръони Карим дар Наҷаф, вобаста ба Маҷмаи илмияи Қуръони Остонӣ Аббосӣ, изҳор дошт, ки ин мусобиқаи байналмилалии қуръонӣ бо ҳадафи тақвияти тавоноии толибилмон дар ҳифз ва фаҳми Қуръон баргузор шудааст.
Ал-Маёлӣ афзуд, ки дар марҳалаи аввал аз байни 100 толибилми ҳавзаи илмияи Наҷаф 40 нафар аз 10 кишвари исломӣ интихоб шуданд.
Ширкаткунандагон дар риштаҳои гуногуни ҳифзи 5 ҷузъ, ҳифзи 10 ҷузъ, ҳифзи тамоми Қуръон, ва бахшҳои тадаббур ва пажӯҳиш дар Қуръон бо ҳам рақобат карданд.
Ал-Маёлӣ таъкид кард, ки ин мусобиқа фурсати муносибест барои боло бурдани сатҳи донишҳои қуръонӣ, тадаббур, тафсир, инчунин беҳбуди тиловат ва таҷвиди Қуръон дар байни толибилмони ҳавзаи илмияи Наҷаф.
