Роҳандозии мактабхонаҳои маҷозии омӯзиши ҳифзи Қуръон дар Миср
Ба гузориши ИКНА, ба нақл аз хабаргузории "Alkhaleej.ae", Усома Ал-Азҳарӣ дар ин бора гуфт: ташаббуси "Бозгашти мактабхонаҳо" ду навъи мактабхонаро дар бар мегирад:
1. Мактабхонаҳои воқеӣ, ки дар ҷойҳои муайян, ба монанди масҷидҳо, ташкил мешаванд.
2. Мактабхонаҳои маҷозӣ, ки рисолати худро тавассути васоити иртиботии муосир анҷом медиҳанд, то доираи бештари шунавандагонро фаро гиранд.
Вай афзуд: тарҳи "Бозгашти мактабхонаҳо" ҳадафи кашфи истеъдодҳо, тарбияи донишмандон ва навоварон, мубориза бо ифротгароии динӣ ва эҷоди ҷомеаи муттаҳид ва босаводро дорад.
Вазири авқофи Миср бо истиқбол аз рӯҳияи ҳамкорӣ миёни ҳамаи ниҳодҳо барои расидан ба ҳадафҳои ин тарҳи бузург таъкид кард: ин ташаббус як қадами калидӣ дар роҳи тарбияи наслҳо бар пояҳои устувори таълимӣ ва динӣ мебошад.
Осомаи Алазҳарӣ бо ишора ба он ки ин ташаббус дар доираи талошҳои вазорати авқофи Миср барои баланд бурдани ҳувияти фарҳангӣ ва таълимии ин кишвар анҷом мегирад, гуфт: мактабхонаҳои нав бо такя ба заминаҳои муосир ва пешрафта барои омӯзиши ҳифзи Қуръони Карим, хондану навиштан, решакан кардани бесаводӣ, кашфи истеъдодҳо ва таҳкими арзишҳои аслии мисрӣ талош хоҳанд кард.
