Баргузории семинари илмӣ дар бистумин мусобиқоти байналмилалии Қуръони Алҷазоир
Ба гузориши ИКНА ба нақл аз radioalgerie, ин семинари қуръонӣ таҳти назорати Юсуф Билмаҳдӣ, вазири умури динӣ ва авқофи Алҷазоир, дар чорчӯби бистумин мусобиқоти байналмилалии ҳифз ва тиловати Қуръон баргузор шуд, ки дар шаҳри Алҷазоир идома дорад.
Дар ин семинар, Тоҳир ибни Ғанӣ Идриси Ноими Муҳосибӣ, довари Нигерия, суханронии худро бо унвони «Фазилати Қуръон ва ифтихори ҳифз ва амал ба он» ироа кард. Ҳамчунин, Юсуф ибни Маслаҳ ибни Муҳалли Радодӣ, довари Арабистони Саудӣ, бо мавзӯи «Сабкшиносии қироат дар давраҳои қадим ва муосир» суханронӣ намуд.
Юсуф Билмаҳдӣ, дар ин семинар, изҳор дошт, ки баргузории чунин семинар бо ширкати ду нафар аз аъзои кумитаи доварии ин даври мусобиқот аз Арабистони Саудӣ ва Нигерия, дар чорчӯби анҷоми силсиласеминарҳои қуръонӣ дар 7 устони Алҷазоир баргузор шудааст. Дар ин силсиласеминарҳо, хонандагони Қуръон ва имомони масҷидҳо баҳраманд гардиданд.
Вазири авқофи Алҷазоир афзуд: баргузории ин гуна барномаҳои фикрӣ ва илмӣ як фаъолиятест иловагӣ ба мусобиқоти байналмилалии Қуръони Алҷазоир, ки бо ҳадафи баҳрабардорӣ ва интиқоли таҷрибаи аъзои кумитаи доварӣ ба масъулони омӯзиши Қуръон баргузор мешавад.
Ӯ бо таъкид ба аҳамияти талошҳои Алҷазоир таҳти назорати раисиҷумҳури ин кишвар барои хидмат ба Қуръон изҳор дошт, ки ин талошҳо дар шаклҳои гуногун, аз ҷумла дар мактабҳо ва мактабхонаҳои суннатии Қуръон (завиёҳо) иҷро мешаванд.
Ин мусобиқот аз рӯзи чоршанбе, 24 январ оғоз шуда, то имрӯз, 27 январ идома ёфт. Маросими анҷом ва эъломи ғолибон рӯзи якшанбе, 28 январ баргузор мегардад, ки дар он ба се нафари бартар дар риштаҳои мусобиқот ҷоиза дода мешавад.
Дар марҳилаи муқаддамотии ин мусобиқот намояндагони 46 кишвари арабӣ ва исломӣ иштирок карданд ва аз миёни онҳо 20 нафар (мардону занон) ба марҳилаи ниҳоӣ роҳ ёфтанд.
