Ҷашни мавлуди Паёмбар (с) дар ҷазираи Пукети Тайланд баргузор шуд
Ба гузориши ИКНА, маросими ифтитоҳии ҷашни мавлуди Паёмбар (с) аз 24 то 26 январи соли ҷорӣ бо ҳузури шахсиятҳои барҷастае монанди Пурсон Сриҷурон, мушовири Шайх-ул-Исломии Тайланд ва намояндагони вилоятҳои мухталифи ин кишвар, аз ҷумла Сарат Тонӣ, Ранунг, Крабӣ, Фанг Нга, Тронг ва Сатун баргузор шуд.
Кумон Домлак, раиси Кумитаи исломии Пукет, дар суханронии худ таъкид кард, ки ин рӯйдод ба хотири гиромидошти шахсияти Паёмбари Ислом (с) ва таҳкими ваҳдат дар як ҷомеаи гуногун ва чандфарҳангӣ ташкил шудааст.
Пурсон Сриҷурон, намояндаи Шайх-ул-Ислом, низ дар суханронии худ ҳазрати Муҳаммад (с)-ро як улгуи беназир барои башарият донист ва изҳор дошт, ки бояд дар ҳамаи ҷанбаҳои зиндагии фардӣ ва иҷтимоӣ, аз ҷумла ҳукуматдорӣ, идораи ҷомеа ва мудирияти оила, аз Паёмбар пайравӣ кард.
Ӯ ҳамчунин ба тарзи ҳукуматдории Паёмбар дар Мадина ишора намуда, онро як намунаи олӣ барои сохтани як ҷомеаи муттаҳид ва гуногун донист, ки бар асоси озодиҳои мазҳабӣ ва тақвияти ҷомеаи мусулмонҳо бунёд шудааст.
Ин ҷашн инчунин намоишгоҳҳои мухталиф, бозорчаҳо ва суханрониҳои ҳаррӯзаро дар мавриди мавзуъоти динӣ ва маънавӣ дар бар гирифт.
