Ҳамос аз кишварҳои ҷаҳон ба хотири мухолифат бо тарҳи Трамп қадрдонӣ кард
Ба гузориши ТоҷикПресс, ҳаракати Ҳамос рӯзи чоршанбе аз муқовимати Урдун ва Миср нисбат ба кӯчи иҷбории аҳолии Ғазза ва таъкиди ин ду кишвар бар вуҷуди як нақшаи арабӣ барои барқароркунии Ғазза бидуни кӯчонидани сокинони он қадрдонӣ кард.
Ҳамос эълон кард, ки мухолифати Урдун нисбат ба кӯчи иҷбории аҳолии Ғазза идомаи мухолифати ин кишвар нисбат ба лоиҳаҳои кӯчҳои ҳатмӣ, ҷойгиркунӣ ва ватан ивазкунӣ мебошад; лоиҳаҳое, ки ҳадафи онҳо маҳв кардани ҳувияти миллати Фаластин ва хотима додани масъалаи одилонаи он мебошад.
Ҳамос аз мухолифати дустон дар кишварҳои арабӣ ва тамоми кишварҳои ҷаҳон қадрдонӣ кард, ки нисбат ба ҳар гуна нақшаҳо барои кӯчи иҷбории аҳолии Ғазза ё нобуд кардани ҳуқуқи миллии онҳо эътироз карданд.
Ҳамос боз як бор таъкид кард, ки миллати Фаластин ба замин ва ватани худ вафодор хоҳад буд ва ҳаргиз ягон роҳи ҳаллеро, ки ҳуқуқи ҳақиқии ин миллатро дар доштани озодӣ ва истиқлол нодида гирад, қабул нахоҳад кард.
https://tajikpress.com/2025/02/12/
