Ҳузури беш аз панҷ миллион зоир дар ҷашни нимаи Шаъбони Карбало
Ба гузориши ИКНА; ба нақл аз пойгоҳи хабарии «Ас-Сумория News», Насиф Хаттобӣ, рӯзи ҷумъа аз ҳузури беш аз панҷ миллион зоир дар ин шаҳр барои иштирок дар маросими пурфайзи нимаи Шаъбон хабар дод.
Вай дар нишасти хабарии муштарак бо фармондеҳи амалиёти Карбалои Муалло ва раиси полис изҳор дошт: Устондории Карбало имрӯз муваффақияти тарҳҳо бо тамоми ҷузъиёти тарҳи амниятӣ ва тарҳи хизматрасониро дар се ҳавзаи тандурустӣ, ҳамлу нақл ва хидматрасонӣ эълон мекунад.
Устондори Карбало таъкид кард: Тарҳи амниятӣ бо ҳузури майдонии Абдуламир Шаммерӣ, вазири кишвари Ироқ, раиси ситоди кулли артиш, фармондеҳи нерӯи заминӣ, ва инчунин иштироки Ҳашдушшаъбӣ, нерӯҳои артиш ва полис, хизмати амнияти миллӣ, созмонҳои иттилоотӣ ва дастгирӣ ва нерӯҳои дифои маданӣ бо муваффақият анҷом ёфт.
Вай таъкид кард: Шумори мошинҳои воридшуда дар фосилаи замонии зиёрати нимаи Шаъбон, ки тавассути системаи нақлиёти трафикӣ сабт шудаанд, аз 533 ҳазор мошин фарротар рафт.
Идораи тандурустии устони Карбало, пештар аз истиқрори дастаҳои тандурустӣ ва омодагии беморхонаҳо дар остонаи маросими зиёрати нимаи Шаъбон хабар дода буд.
Карбалои Муалло ба муносибати нимаи Шаъбон ва айёми таваллуди Ҳазрати Соҳибаззамон (аҷ) пур аз зоирон ва ошиқони Аҳли байт (а) аст.
