Сарнавишти аҷиби ҷасади омилони Қуръонсӯзии ахир дар Шветсия
Ба гузориши ИКНА, ба нақл аз Сиёсат, мақомҳои Шветсия эълом карданд, ки ҷасади Селван Момика, аз омилони таҳқири Қуръон дар ин кишварро, пас аз он ки касе барои таҳвили он муроҷиат накард, сӯзондаанд.
Бар асоси гузорише, ки Current Report мунташир кард, мақомҳои кишвари Шветсия чандин бор бо хешовандони ӯ тамос гирифтанд, аммо посухе дарёфт накарданд.
Селван Момика, ки худро фаъоли зидди Ислом муаррифӣ мекард, 29 январи соли 2025, ҳангоми пахши зинда дар TikTok, дар минтақаи Ҳувшю-и Шветсия ҳадафи тирпарронӣ қарор гирифта, кушта шуд.
Пас аз қатли ӯ, мақомҳои шветӣ чандин талош карданд, ки ҷасадашро ба хешовандонаш бисупоранд. Бо вуҷуди ин, пас аз он ки муддати тӯлонӣ посух нагирифтанд, тибқи протоколи ҷасадҳои беном амал намуда, ҷасадро сӯзонданд.
Мақомоти Шветсия ҷузъиёти марбут ба партофтани хокистари ӯ ё ҳар иқдоми ҳуқуқии вобаста ба парвандаашро мунташир накардаанд.
Марги ӯ чанд соат пеш аз содир шудани ҳукм дар як парвандаи нафратангезӣ алайҳи мусулмонон ва Қуръонсӯзӣ рух дод.
Селван Момика, яке аз дӯстони Селван Момика, ба шабакаи хабарии SVT гуфт, ки ӯ низ таҳдид шудааст ва ба ӯ гуфтаанд: "Ту нафари баъдӣ ҳастӣ."
Аз 28 июни 2023, Селван Момика, ки 37-сола буд, чандин нусхаи Қуръонро дар назди сафоратхонаҳои кишварҳои мусулмонӣ ва масоҷид дар Шветсия бо ҳимоят ва ҳифзи пулис таҳқир кард.
Видеоҳои Қуръонсӯзии Мумӣко хашми байналмилалиро барангехт ва боиси эътирозҳо дар кишварҳои мусулмонӣ шуд.
Гуфта мешавад, панҷ нафар дар иртибот бо қатли ӯ боздошт шудаанд, ки ҳамаи онҳо сокинони шаҳри Сёдертелйе мебошанд. Гарчанде ҳанӯз ангезаи қатли ӯ рӯшан нест, бисёриҳо бар ин боваранд, ки иқдомоти ҷанҷолии ӯ дар гузашта боиси қатли ӯ шудааст.
