Зарари бузурги Starbucks аз таҳримҳои ҷонибдорони Фаластин
Ба гузориши ИҚНА, ба нақл аз Арабӣ 21, ширкати амрикоии Starbucks, ки аз соли гузашта ва дар пайи ҷиноятҳои Исроил дар Ғазза мавриди таҳримҳои мардумӣ қарор гирифтааст, ҳамоно зарари густарда мебинад.
Брайан Никол, раиси шӯрои мудирони ин ширкат, дар сафари ду рӯзи пешаш ба Имороти Муттаҳидаи Арабӣ тавзеҳ дод, ки таҳримҳо ба фурӯши ширкат осеб расонида, зарари зиёде ба он ворид кардааст.
Ӯ дар як навори видеоӣ, ки дар шабакаҳои иҷтимоӣ густариш ёфтааст, бо нашри паёме аз муштариён хост, ки аз таҳрими фурӯшгоҳҳои ин ширкат дар саросари ҷаҳон даст бикашанд ва таъкид кард: "Таҳримҳо ин ширкатро дар остонаи суқути комил қарор додаанд. Мо аз ҳеҷ артише ҳимоят намекунем."
Блумберг ба нақл аз Никол гуфт, ки ин ширкат, ки дар соҳаи фурӯши қаҳва фаъолият мекунад, қасд дорад тақрибан 500 фурӯшгоҳи нав боз кунад ва 5000 ҷойи корӣ дар панҷ соли оянда дар Ховари Миёна эҷод намояд.
Аз моҳи октябри соли 2023, ширкати қаҳваи Starbucks мавриди маъракаҳои таҳрим дар ҷаҳон, хусусан дар ҷаҳони араб қарор гирифтааст.
Аз сӯи дигар, фаъолони амрикоӣ ба тозагӣ бо роҳандозии маъракае хостори таҳрими Starbucks ба далели ҳимоят аз режими ишғолгари саҳюнистӣ шуданд.
Ин фаъолон дар як иқдоми рамзӣ дар назди яке аз фурӯшгоҳҳои Starbucks дар Вашингтон бо ишора ба наслкушӣ ва хунирезии артиши ишғолгари режими саҳюнистӣ дар Ғазза ва ҳимояте, ки Starbucks аз он мекунад, пиёлаҳои қаҳваро бо нишон ва тамғаи Starbucks, ки дар дохили он рангҳои сурх рехта шуда буд, дар даст доштанд ва онҳоро ба замин мерехтанд.
Баргузоркунандагони ин маърака, ки аз сӯи созмони "Марг барои башарият" ташкил шудааст, таъкид карданд, ки "Ҳар пиёлаи қаҳваи Starbucks баробар бо идомаи хунирезии мардуми Фаластин аст."
