Мухолифати мақомоти Дания бо дархости қуръонсӯзӣ дар Копенҳаген
Ба гузориши ИКНА, ба нақл аз пойгоҳи хабарии Маркази иттилооти Шветсия, пас аз кушта шудани Селван Момика, омилони таҳқири Қуръон дар Шветсия, Расмус Палудан, раҳбари ҳизби ростгарои ифротии Stram Kurs, ки борҳо дар Шветсия ва Дания даст ба қуръонсӯзӣ задааст, дархости тозае барои сӯзондани нусхаи Қуръон пешниҳод кард, аммо мақомоти даниягӣ ин дархостро рад ва ҳар гуна иқдоми қуръонсӯзиро дар пойтахт барояш мамнӯъ эълон карданд.
Расмус Палудан муддаӣ шуд, ки мақомоти даниягӣ ҳаққи озодии баёнро аз ӯ салб кардаанд. Пулиси Копенҳаген баъдан таъйид кард, ки дархости ӯ рад ва аз ширкат дар ҳар гуна тазоҳурот маҳрум шудааст. Пулиси Дания дар тавҷеҳи тасмими худ гуфт:
"Пулис бар асоси як арзёбии хос дастуре содир кардааст, ки Расмус Палуданро аз ширкат дар тазоҳурот дар қаламрави назоратии пулис манъ мекунад."
Расмус Палудан, ки падари шветсигӣ ва модари даниягӣ дорад, дар солҳои ахир ба хотири сӯзондани нусхаҳои Қуръон дар Шветсия ва Дания шинохта шудааст. Ӯ муддаӣ шуд, ки нигарони амнияти худ нест, зеро дар Дания зиндагӣ мекунад, на дар Шветсия.
Ҳафтаи гузашта Палудан иддао кард, ки шабакаи иҷтимоии X ҳисоби корбарии ӯро ба хотири нашри маводи зидди исломӣ ва таҷлил аз Селван Момика бастааст.
Ӯ гуфт, ки ҳисоби корбариаш то замоне ки бо дархости X барои ҳазфи чор видео мувофиқат накунад, ба ҳолати таълиқ даромадааст. Ин видеоҳо ҳузури ӯ дар муқобили сафоратҳои Туркия, Покистон ва Индонезияро дар бар мегиранд, ки дар онҷо бо тасвирҳои Қуръонҳои дар ҳоли сӯхтан бар зидди ислом суханронӣ кардааст.
Палудан муддаӣ шуд, ки ин видеоҳо мутобиқ бо қонунҳои Дания ва дастурамалҳои X комилан қонунистанд ва аз онҷое ки мусулмонон ба таври оммавӣ онҳоро гузориш додаанд, саҳифааш баста шудааст.
