Маросими дафни қории Масҷидул-Ақсо дар Қудс
Ба гузориши ИКНА ба нақл аз Ал-Ҷазира, шайх Довуд Атоуллоҳ Сиём аз шахсиятҳои барҷастаи динии Қудс, ки мақомҳои муҳимме аз ҷумла қории Масҷидул-Ақсо ва масъули ҳуқуқии Қудсро бар ӯҳда дошт, аз дунё даргузашт.
Шайх Сиём солҳои зиёде аз умри худро вақфи хидмат ба ҷомеа ва кумак ба ғанӣ гардонидани зиндагии мазҳабӣ ва фарҳангӣ дар ин шаҳр кард ва мавриди таҳсини
Вай, ки рӯзи якшанбе 23-юми феврали соли 2025 дар синни 95-солагӣ аз дунё даргузашт, яке аз барҷастатарин шахсиятҳои мазҳабии Қудс буд. Ӯ дар шаҳри Силвон воқеъ дар ҷануби Масҷидул-Ақсо ба дунё омад ва аз ҳудуди 70 сол пеш кори худро бо тиловати Қуръон дар Масҷидул-Ақсо оғоз кард, ки ба хотири садои ҷаззоб ва тиловати хоси худ, ки ӯро ҷузъи ҷудонопазири хотира ва рӯҳи Масҷидул-Ақсо ва мардуми он карда буд, шуҳрат дошт.
Шайх Довуд Атоуллоҳ Сиём ба ҷузъи нақши қорӣ, ба унвони масъули ҳуқуқии Қудс хидмат мекард ва дар онҷо ба ироаи машварат ва роҳнамоӣ дар мавриди масоили ҳуқуқӣ марбут ба издивоҷ, талоқ ва аҳком мепардохт ва ба афзоиши огоҳии динӣ ва ҳимоят аз мардуми Қудс кумак мекард.
Вай ба фидокорӣ ва ихлос дар хидмат ба Масҷидул-Ақсо ва мардуми Қудс шуҳрат дошт, ки боиси эҳтиром ва муҳаббати фаровони мардум ба ӯ шуд.
Пайкари ин қории Қуръон Масҷидул-Ақсо пас аз иқомаи намози зуҳр бар вай дар Масҷидул-Ақсо ба сурати бошукӯҳе ташйиъ ва сипас дар қабристони Бобу-р-Раҳма ба хок супурда шуд.
