Баргузории давраи қуръонии Рамазония дар Масҷидулҳаром ва Масҷидуннабӣ (с)
Ба гузориши ИКНА, иқтибос аз рӯзномаи "Оҷил", раёсати умури Масҷидулҳаром ва Масҷидуннабӣ (с) эълом кард, ки ин давра ҳамзамон бо оғози моҳи Рамазон бо ҳадафи таҳкими иртиботи уммати Ислом бо Китоби Худо ва таҳкими фарҳанги эътидол ва мӯътадилии қуръонӣ баргузор мегардад.
Ин барнома дар чорчӯби давраҳои қуръонии раёсати умури Масҷидулҳаром дар соли 1446 ҳиҷрии қамарӣ бо мақсади омӯзиши Қуръони Карим ва осонсозии ҳифз ва тиловати он роҳандозӣ хоҳад шуд.
Гурӯҳе аз муаллимони соҳибтаҷрибаи қироат ва таҷвид бо назорат бар ин давраҳои қуръонӣ дар Масҷидулҳаром ва Масҷидуннабӣ (с), ба ислоҳи тиловат, арзёбии маҳраҷ ва хусусиятҳои садои ҳарфҳои қуръонӣ ва таълими аҳкоми таҷвид мепардозанд.
Ин барнома шомили баргузор кардани ҳалқаҳои ҳифзи Қуръон, қироат, тафсири Қуръон ва ислоҳи тиловат мебошад ва ба зоирон ва алоқамандон имкони омӯзиши Қуръонро дар рӯзҳои маънавии моҳи Рамазон фароҳам меорад.
Ҷаласаҳои давраи қуръонии Рамазония дар саҳни ин масҷидҳо баргузор хоҳанд шуд ва зоирон ва умрагузорон метавонанд бо ҳузур дар ин давраҳо аз баҳсҳои он баҳра баранд.
