Баргузории ҳамоиши байналмилалии муҳитзист дар бустони қуръонии Қатар
Ба гузориши ИКНА, иқтибос аз "Марсали Қатар", Вазорати муҳити зист ва тағйироти иқлимии Қатар дирӯз ин ҳамоишро дар Маркази ҳамоишҳои миллии Қатар бо ҳузури коршиносони дохилӣ ва хориҷӣ баргузор кард.
Дар ин ҳамоиш, ки ҳамзамон бо Рӯзи муҳити зисти Қатар баргузор шуд, дар баробари баррасии фурсатҳои мавҷуд дар заминаи густариши гуногунии зистӣ ва ҳифзи муҳити зист, баъзе масоили муҳитзистӣ ва кишоварзӣ ва талошҳо дар заминаи ҳифзи наботот мавриди баҳс ва баррасӣ қарор гирифт.
Абдулазиз Аҳмад Ал-Куворӣ, мудири бахши умури ҳуқуқии Вазорати муҳити зист ва тағйироти иқлимии Қатар, дар суханронии худ бо таъкид бар пешрафти қобили таваҷҷуҳи қавонини муҳитзистӣ дар ин кишвар гуфт: "Шумораи қавонини марбут ба муҳити зист ба ҳудуди 31 қонун расидааст, ки дар ростои ҳимоят аз аҳдофи ҷаҳонӣ ва бо ҳадафи таъмини тавозун миёни рушди иқтисодӣ ва ҳифзи муҳити зист таҳия шудаанд."
Ӯ афзуд: "Қатар ибтикорот ва барномаҳоеро барои рушди сиёсатҳои муҳитзистӣ дар чорчӯби уҳдадориҳои минтақавӣ ва байналмилалии худ дар заминаи устувории муҳитзистӣ рӯйи даст гирифтааст. Ин ибтикорот дар ростои муқобила бо тағйироти иқлимӣ, афзоиши огоҳии муҳитзистӣ ва истифодаи ҳалли инноватсионӣ аст, ки ба коҳиши ихроҷи карбон кӯмак мекунад."
Ҳамчунин, Алӣ Солеҳ Ал-Маррӣ, коршиноси биологӣ дар идораи ҳифзи ҳаёти ваҳши Қатар, бар талошҳои ҳукумати Қатар барои ҳифзи набототи мавриди таҳдид таъкид карда, гуфт:
"Дарахти ғоф (Каҳур) яке аз намудҳои муҳими набототи мавриди таҳдид дар Қатар аст, ки теъдоди он қабл аз соли 2012 аз 50 адад бештар набуд, аммо ба шарофати талошҳои ҳукумат ин шумора ба беш аз 2000 дарахт расидааст."
Гуфтанист, бустони Қатар, ки дар соли 2008 таъсис шудааст, ҳамасола беш аз 100 000 боздидкунанда дорад. Ин боғ дорои 18 гиёҳест, ки дар Қуръон зикр шудаанд, ва тақрибан 40 гиёҳи дигар, ки дар аҳодиси Паёмбар (с) ёдоварӣ шудаанд.
Ин боғ дар маҷмӯъ 109 навъ гиёҳ дорад ва на танҳо ба ҷамоварии гиёҳони зикршуда дар Қуръон ва ривоятҳо маҳдуд нашуда, балки бисёре аз набототи нодири Қатарро низ дар бар мегирад.
