Таърихи оғози моҳи мубораки Рамазон дар кишварҳои гуногуни ҷаҳон
Ба гузориши ИКНА, ба нақл аз шабакаи Ал-Алам, аз Ироқ хабар расидааст, ки дафтари Оятуллоҳ Систонӣ, марҷаи олии динӣ дар Ироқ, бо нашри як баёния, рӯзи оғоз ва поёни моҳи мубораки Рамазони соли 1446 ҳиҷрии қамариро ба таври ғайриқатъӣ пешбинӣ кардааст.
Бар асоси баёнияе, ки аз тарафи дафтари ишон нашр шудааст, интизор меравад, ки ҳилоли моҳи мубораки Рамазон дар шоми рӯзи шанбе, 1-уми марти соли 2025 мутобиқ ба мушоҳида шавад.
Бар ин асос ва тибқи пешбинии дафтари Оятуллоҳ Систонӣ, рӯзи якшанбе, 2-юми марти 2025 мутобиқ аввалин рӯзи моҳи мубораки Рамазон хоҳад буд.
Дар ҳамин ҳол, ҳисобҳои нуҷумӣ, ки асоси фиқҳии бархе аз мазоҳиби исломӣ мебошанд, нишон медиҳанд, ки оғози моҳи муборак дар бархе кишварҳои арабӣ шанбе, 1-уми марти 2025 хоҳад буд.
Пешбинӣ мешавад, ки кишварҳои исломӣ дар шоми рӯзи ҷумъа фарохон барои мушоҳидаи ҳилоли моҳро эълон кунанд, то пас аз тасдиқи мушоҳидаи қонунии он, оғози моҳи муборак расман эълон шавад.
Бар асоси тақвими Раёсати умури мазҳабии Туркия, шанбе, 1-уми марти 2025 рӯзи аввалини моҳи мубораки Рамазон ва шанбе, 29-уми марти 2025 рӯзи охирини он хоҳад буд. Рӯзи якшанбе, 30-юми марти 2025, иди саиди Фитр эълон шудааст.
Аз тарафи дигар, ба гуфтаи раиси ҳайати мудирони илми нуҷуми Иморот ва тибқи ҳисобҳои нуҷумӣ, пешбинӣ мешавад, ки шанбе, аввалин рӯзи моҳи мубораки Рамазон бошад.
Аз Миср низ хабар расидааст, ки бар асоси эълони муассисаи нуҷумии ин кишвар, эҳтимол меравад, ки шанбе аввалин рӯзи моҳи муборак бошад.
Қатар ва Индонезия низ шанберо аввалин рӯзи моҳи мубораки Рамазон пешбинӣ кардаанд.
Дар Эрон низ, бо таваҷҷуҳ ба оғози истиҳол (мушоҳидаи ҳилол) дар шоми ҷумъа, 29-уми шаъбони муъаззам, дар сурате ки ҳилоли моҳ дар шоми ҷумъа, мушоҳида шавад, моҳи шаъбони 1446 29-рӯза хоҳад буд ва шанбе аввалин рӯзи моҳи шарифи Рамазон хоҳад буд. Аммо агар тибқи тақвими 1403 ҳилоли моҳ дар шоми ҷумъаи 10-уми исфанд мушоҳида нашавад, шаъбони 1446 30-рӯза хоҳад шуд ва якшанбе, 12-уми исфанд, рӯзи аввали моҳи Рамазон хоҳад буд.
