Хашми саҳюнистҳо аз ҷоизаи Оскари филми мустанад дар бораи Фаластин
Ба гузориши ИКНА, ба нақл аз Ал-Ҷазира, мустанади "Ҳеч сарзамини дигар", ки таҳти коргардонии муштараки чор филмсози саҳюнист ва фаластинӣ сохта шудааст, дар 97-умин давраи ҷоизаҳои Оскар, унвони "Беҳтарин мустанад"-ро ба даст овард.
Ин филм ба зиндагии Бозил Адро, фаъоли фаластинӣ, мепардозад, ки кӯшиш мекунад ҷомеаи худро аз тахриби нерӯҳои режими саҳюнистӣ ҳифз намояд. Ӯ ҳодисаи тахриби зодгоҳаш, деҳаи Мусофир Ято, дар Каронаи Бохтариро сабт кардааст.
Нерӯҳои саҳюнистӣ ин деҳаро тахриб намуда, онро ба як минтақаи омӯзиши низомӣ табдил додаанд. Талошҳои Бозил Адро барои нигоҳ доштани зодгоҳаш бенатиҷа мемонанд, то он ки ӯ бо як рӯзноманигори саҳюнист дӯст мешавад ва бо кӯмаки ӯ достони худро ба ҷаҳониён мерасонад.
Дар ҷараёни маросими эътои ҷоизаҳо, Бозил Адро ва Ювол Иброҳим, филмсози саҳюнист, дар бораи ин филм ва аҳамияти он бо тамошобинон суҳбат карданд.
Бо вуҷуди ин, Микӣ Зуҳор, вазири фарҳанг ва варзиши режими саҳюнистӣ, пирӯзии ин филмро "лаҳзаи ғамангез барои ҷаҳони синамо" тавсиф кард.
Вай дар паёме дар шабакаи "X" (Твиттер) навишт: "Созандагони ин филм ба ҷои нишон додани воқеияти мураккаби Исроил, ривоятеро тарвиҷ доданд, ки тасвири Исроилро дар назди тамошобинони байналмилалӣ таҳриф мекунад. Озодии баён арзиши муҳим аст, аммо тӯҳмат ба Исроил ва истифодаи синамо барои таблиғоти зиддисаҳюнистӣ ҳунар нест, балки як тахрибкорӣ алайҳи давлати Исроил аст, хусусан пас аз ҳамлаҳои 7-уми октябр."
Ӯ афзуд: "Маҳз ба ҳамин далел мо ислоҳоте дар мавриди ҳимоятҳои давлатӣ аз синамо тасвиб кардем, то мутмаин шавем, ки пули андозсупорандагон барои осори ҳунарие сарф шавад, ки бо мардуми Исроил сухан мегӯянд, на барои як саноате, ки фаъолияти худро бар пояи тӯҳмат ба Исроил дар сатҳи ҷаҳонӣ бунёд мекунад."
