Инқилоби зеҳни сунъӣ дар фаолиятҳои қуръониро бояд ҷиддӣ гирифт
Ба гузориши хабарнигори ИКНА, Сайид Аббоси Солеҳӣ, вазири фарҳанг ва иршоди исломии Эрон шаби гузашта аз 32-юмин Намоишгоҳи байналмилалии Қуръони Карим ва ғӯшаи ИКНА дар ин намоишгоҳ боздид кард.
Ӯ дар гуфтугӯ бо хабарнигори ИКНА, дар посух ба ин суол, ки то чӣ андоза намоишгоҳ бо таҳаввулоти фанноварӣ ва технологияҳои нав ҳамоҳанг аст, гуфт: «Имсол шоҳиди вуруди зеҳни сунъӣ ба намоишгоҳи Қуръон ҳастем, аммо ҳузури зеҳни сунъӣ дар фазои қуръонӣ, ба хусус дар намоишгоҳҳои марбут, ҳанӯз дар марҳилаи ибтидоӣ қарор дорад ва ин таҷрибаи аввалия ба рушди бештар, амиқтар ва густариши бештар ниёз дорад».
Вай афзуд: «Дар даҳаҳои ахир, муносибат байни Қуръони Карим ва фанноварӣ дар қолибҳои гуногун пайгирӣ шудааст. Шояд нахустин қадамҳо дар ин замина дар бахшҳое мисли нишондиҳандаҳои рақамӣ, муҳаррикҳои ҷустуҷӯӣ, викиҳо ва мавориди монанд бардошта шуд, ки ҳар яке дар навбати худ таҳаввулотеро дар соҳаи қуръонӣ ба вуҷуд овард».
Вазири фарҳанг ва иршоди исломӣ таъкид кард: «Бо ин ҳол, ба назар мерасад, ки зеҳни сунъӣ метавонад инқилобе дар масири фаъолиятҳои қуръонӣ эҷод кунад».
