Табйини рисолати ҷаҳонии уламо дар Конфронси Макка + видео
Ҳуҷҷатул-ислом Яҳё Ҷаҳонгирӣ, мубаллиғи байналмилалӣ ва устоди ҳавза ва донишгоҳ, рӯзи ҷумъа, дар Дувумин Конфронси «Эҷоди пул миёни мазҳабҳои исломӣ» дар Макка ҳузур ёфт ва суханронӣ кард.
Ҷаҳонгирӣ дар гуфтугӯ бо ИКНА изҳор дошт: «Ин конфронс 6-уми март бо ҳузури 400 меҳмон аз 90 кишвар дар Макка оғоз шуд ва дирӯз ба анҷом расид».
Ҳуҷҷатул-ислом Ҷаҳонгирӣ афзуд: «Ҳамчун яке аз суханронҳо дар ин ҳамоиш таъкид кардам, ки имрӯз мо — уламои исломӣ — рисолат ва масъулияти муҳимме бар дӯш дорем. Ба ҷои он ки аз тафриқа сухан гӯем, бояд дар канори Хонаи Худо ва дар моҳи мубораки Рамазон аҳд бандем, ки тамоми тавонмандӣ ва зарфиятҳои худро ба ҳам биёварем, то мусулмонон, ба хусус ҷавононро, ба гунае роҳнамоӣ кунем, ки рӯҳи Паёмбар (с) аз мо розӣ бошад».
Қисмате аз суханронии Ҳуҷҷатул-ислом Ҷаҳонгириро дар видеои зер метавонед тамошо кунед:
Ӯ идома дод: «Дар Конфронси Макка ба ин нукта ишора доштам, ки имрӯз пайравони Исломро дар тамоми ҷаҳон — аз Ҷопон то Австралия, Куба ва Норвегия — метавон дид. Ман ҳамчун устоди мутолиоти исломӣ дар чор қораи ҷаҳон ва наздик ба 40 кишвар ин ҳақиқатро мушоҳида кардаам».
Ҳуҷҷатул-ислом Ҷаҳонгирӣ дар поён ёдовар шуд: «Ҷавонони мусулмон, ба хусус дар кишварҳои ғайриисломӣ, бо хатарот ва осебҳои нав ва ҷиддие, монанди зеҳни сунъӣ ва фазои маҷозӣ, рӯбарӯ ҳастанд. Агар мо дасти ҳам надиҳем, ин фанноварӣ ба ҷои он ки дар хидмати инсон ва Ислом бошад, бар зидди инсоният, ахлоқ ва дин хоҳад буд. Ин масъала низ дар суханронии ҳамоиши Макка табйин шуд».
